Kwamamaza

Abanyeshuri 153 bahawe impamyabumenyi z’ibanze mu rurimi rw’Igifaransa

Yanditswe kuya 1-10-2016 saa 18:50' na Umurerwa Emma Marie


Ambasade y’u Bufaransa mu Rwanda yatanze impamyabumenyi z’ibanze ku banyeshuri biga mu mashuri abanza 11 yo mu Mujyi wa Kigali, mu Karere ka Huye na Rubavu, batsinze ikizamini cy’Igifaransa cyo ku rwego mpuzamahanga.

Umuhango wo gutanga izi mpamyabumenyi z’ibanze (Diplôme élémentaire de langue Française-DELF) ku banyeshuri 153 wabereye ku cyicaro cya Ambasade y’u Bufaransa mu Rwanda kuri uyu wa Gatanu, tariki 30 Nzeri 2016.

Umuyobozi ushinzwe ibikorwa muri Ambasade y’u Bufaransa mu Rwanda, Xavier Verjus Renard, yashimiye abana bakoze ikizamini ko batsinze neza.

Yagize ati " Ni iby’igiciro gikomeye kuri njye gushyikiriza impamyabumenyi abana biga ururimi rw’Igifaransa mu bigo bitandukanye bibarizwa mu Mujyi wa Kigali ndetse n’ahandi mu gihugu. Birashimangira ko mwungutse ubundi bumenyi mu gukoresha ururimi."

Yakomeje agira ati “Mu cyiciro murangije cya "DELF A1" byagaragaye ko mwatsinze neza. Ndabifuriza gukomeza no mu rwego rwisumbuyeho ngo murusheho kumenya Igifaransa kuko ari ururimi mpuzamahanga."

Philippe Vignes ushinzwe isomo ry’Igifaransa yavuze ko nyuma y’icyiciro cya mbere hari n’ibindi byiciro by’ingimbi ndetse n’iby’abakuze.

Abakomeza amasomo yabo, biga ibyiciro bitandatu bahugurirwa gukoresha ururimi rw’Igifaransa ndetse n’izindi zirimo icy’Espagnol, Icyongereza, Igishinwa, n’Igitaliyani, nk’uko byemejwe n’Inama yiga ku ndimi mu bihugu by’i Burayi mu mwaka wa 2000 igaragaza urwego rw’abagomba guhatana mu rurimi uko bitwara.

Ibi byiciro birimo A1 na A2 ku batangizi, B1 na B2 ku bamaze igihe biga ndetse na C1 na C2 ku bamaze kugera ku rwego rwisumbuye. Umuntu ufite impamyabumenyi yo ku rwego rwa B2 ashobora kujya kwiga muri Kaminuza mu Bufaransa.

Abana bishimiye impamyabumenyi z'ibanze bahawe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved