Kwamamaza

Abanyarwanda boroherejwe gukorera no gutura muri Tanzania

Yanditswe kuya 3-11-2016 saa 12:00' na Cyprien Niyomwungeri


Ibiro bishinzwe abinjira n’abasohoka muri Tanzania byagabanyije igiciro cy’ibyangombwa byasabwaga abaturage bo mu muryango wa Afurika y’Iburasirazuba (EAC), bifuzaga gukorera cyangwa gutura muri kiriya gihugu, aho nk’Umunyarwanda azajya yishyura amadolari 500 y’Amerika gusa.

Abaturage basanzwe bo mu bihugu bigize EAC bazajya bacibwa ¼ cy’ikiguzi cy’icyangombwa cyo gutura no gukorera muri Tanzania, mu gihe abashoramari bo bazajya bakwa ½ cy’ayo basabwaga kuri icyo cyangombwa.

Uburyo bushya bwo kwishyura ibyangombwa byo gutura no gukorera muri Tanzania, buteganya ko abaturage bo muri Kenya, Rwanda, Uganda, Burundi na Sudani y’Epfo bifuza kuba muri Tanzania, bazajya bishyura amadolari 500 ya Amerika avuye ku 2000 by’Amadolari. Abashoramari bo muri EAC bo bazajya bishyura 1500 by’amadolari avuye ku 3000 bishyuraga.

Tanzania ifashe iki cyemezo nyuma y’uko bisabwe kenshi n’abanyamahanga bakomeje kwinubira igiciro cy’icyangombwa cyo gukorera muri icyo gihugu, yaba kuhatura cyangwa kuhakorera ishoramari, ubucuruzi, akazi cyangwa ikindi gikorwa cyemewe n’amategeko.

Umuyobozi ushinzwe serivisi zo kugenzura imipaka, Abdullah Khamis, yabwiye Daily News ko igiciro cy’ibyangombwa cyahindutse mu rwego rwo gushyira mu bikorwa amasezerano ya EAC, Tanzania yashyizeho umukono.

Yakomeje avuga ko iki cyemezo cyasohotse mu itangazo rya Leta ryo muri Kanama uyu mwaka, kireba abaturage bo muri EAC, abashoramari, abanyeshuri n’abandi.

Yagize ati “Izi mpinduka zigamije kwita mu buryo bwihariye ku baturage bakomoka mu bihugu bigize EAC, ugeraranyije n’abakomoka mu bindi bihugu.”

Iki gikorwa Tanzania ikoze kirafatwa nk’urugero rwiza rwo gukurura abashoramari bo muri Afurika y’Iburasirazuba ngo babyaze umusaruro amahirwe ariyo.

Ikigo gishinzwe abinjira n’abasohoka muri Tanzania cyanasoneye abanyeshuri bari munsi y’imyaka 18 baturutse mu bihugu bigize EAC amafaranga batangaga bishyura icyangombwa kibemerera kwinjira.

Icyangombwa cyo gukorera no gutura muri Tanzania cyagabanyirijwe ibiciro

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved