00:00:00 IGIHE NETWORK KN KINYARWANDA EN ENGLISH FR FRANCAIS

Abanyarwanda barengeje imyaka 18 bagiye gukingirwa Covid-19

Yanditswe na IGIHE
Kuya 21 Kanama 2021 saa 07:08
Yasuwe :
0 0

Ikigo cy’Igihugu cy’Ubuzima, RBC, cyatangaje ko Abanyarwanda bafite imyaka iri hejuru ya 18, bemerewe guhabwa urukingo rwa Covid-19 kuva kuri uyu wa Mbere tariki ya 23 Kanama uyu mwaka.

Ubusanzwe abantu bakuze n’abarwaye indwara zidakira, nibo bari bemerewe guhabwa urukingo rwa Covid-19 na cyane ko ibyo byiciro byombi biri mu bifite ibyago byo kuzahazwa n’icyorezo cya Covid-19.

Kuba abantu bose barengeje imyaka 18 bemerewe kwikingiza, biratanga icyizere ko u Rwanda rushobora kugera ku ntego rwihaye y’uko ruzakingira 30% by’abaturage barwo bitarenze uyu mwaka.

U Rwanda kandi rufite intego yo gukingira 60% by’abaturage barwo bitarenze Kamena umwaka utaha, ku buryo ibi bizaruha ubwirinzi bwo guhashya icyorezo cya Covid-19 burundu.

Abantu barenga ibihumbi 980 bamaze guhabwa dose ya mbere y’urukingo, mu gihe abarenga ibihumbi 419 bamaze guhabwa dose ebyiri z’urukingo.

Abanyarwanda barengeje imyaka 18 bagiye gutangira guhabwa urukingo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .