Kwamamaza

Abanyarwanda bakanguriwe kubaha uburenganzira bwa bagenzi babo

Yanditswe kuya 28-11-2016 saa 19:13' na IGIHE


Sendika y’abaharanira uburenganzira bwa muntu, STRADH, iri mu bukangurambaga bugamije kurwanya ihungabana ry’uburenganzira bwa muntu, aho bafite ibikorwa birimo kurengera abana no guteza imbere urubyiruko.

Iyi sendika imaze igihe mu bukangurambaga bw’ibyumweru bitatu buhamagarira abaturage kubungabunga uburenganzira bwa muntu, aho ifite ibikorwa mu karere ka Muhanga, Bugesera n’Umujyi wa Kigali.

Umwe mu bakozi bayo, Gaspard Niyibizi, avuga ko bakorana n’ubuyobozi bw’inzego z’ibanze n’ibigo by’amashuri guhera mu 2007, nubwo iyi sendika yabonye ubuzima gatozi mu 2014. Kugeza ubu ubu ihuza abagera ku 100 bafite imiryango itandukanye bakoreramo.

Ati “Ubutumwa dutanga bugizwe na kirazira, uhereye ku burenganzira bwa muntu bwa mbere bwo kubaho. Turavuga tuti mu turere dukoreramo, byaba biteye isoni duhuye n’ibyo turi kumva ahandi mu turere aho ubwicanyi buri kwiyongera biturutse ku makimbirane, aho umuntu akinisha ubuzima bw’undi, tukavuga ngo reka duhere mu bushobozi buke dufite dufatanyije n’abanyamuryango bacu n’ubwitange bagira, nibura aho turi dukumire.’’

Yavuze ko kuva batangira ibikorwa hari umusaruro babona, kuko nko muri Rweru mu karere ka Bugesera hari ikibazo cyo guta amashuri kubera ibibazo by’amazi kimwe na Kabacuzi, bita no ku bana bataga amashuri bakajya mu bucukuzi bw’amabuye y’agaciro.

Ati “Dutangira gukorera nko muri Kabacuzi mu 2011, hari ikibazo cy’abana bataye amashuri bajya gukora imirimo ivunanye, bigira mu mabuye y’agaciro. Hari nk’abana basaga 500, ariko ubwo ejo bundi habaga igikorwa cyo gusubiza abana ku ishuri, muri Kabacuzi nta bana barenga 100 bari bahasigaye.’’

STRADH ivuga ko yifuza ko ‘ihonyorwa ry’uburenganzira bwa muntu n’iyo ritarangira, ariko ryagabanuka cyane mu turere ikoreramo, kandi bikaba ku buryo bugaragara."

Mu Mujyi wa Kigali bafite ibikorwa birimo gufasha urubyiruko kwihangira imirimo, aho abagera ku 115 bari kwitabwaho, mu gihe abagera kuri 700 bamaze guhabwa ubumenyi bw’imyuga bagafashwa no kwizigamira.

Niyibizi ati “Umwana urangije kwiga imyuga turamuguriza, tukamuha udufaranga akajya kugerageza icyo yakora.’’

Mu rwego rwo kurushaho gukangurira Abanyarwanda kubaha uburenganzira bwa muntu, iyi sendika yagiye ishinga amatsinda arimo abayobozi mu nzego z’ibanze n’abandi baturage.

Umukozi wa STRADH atanga ikiganiro
Ubutumwa bwatanze hifashishijwe imikino

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved