Kwamamaza

Abanyarwanda baba mu Budage bubatse ibyumba by’amashuri 15 i Musanze

Yanditswe kuya 18-10-2016 saa 13:25' na Jean Claude Bazatsinda


Abanyarwanda batuye mu Budage, ku bufatanye n’Itorero rya Pentekote mu Rwanda [Paruwase ya Kigasa], bubatse ibyumba by’amashuri mu karere ka Musanze, asimbura ayari ahasanzwe ashaje cyane.

Ibyumba by’amashuri 10 byubatswe ku kigo cy’amashuri cya Nyarubara, bije bisanga ibindi bitanu n’ubundi bafatanyije mu mwaka wa 2013 byose hamwe bikaba bimaze gutwara amafaranga y’u Rwanda angana na miliyoni 124 682 510.

Tuyisabe Providence ukuriye Diaspora Nyarwanda mu Budage yateye inkunga iki gikorwa, yagize ati “Umuntu ukunda igihugu cye akoresha ubwenge cyamuhaye ngo gitere imbere, tugomba gufasha abato cyane cyane mu burezi kuko ni bo bazatuyobora mu bihe biri imbere.”

Ababyeyi n’abana bakoresha ishuri rya Nyarubara na bo biruhukije kuko ngo ibyumba bishaje iki kigo cyari gifite byateraga impungenge ko byashoboraga kugwira abana.

Ngo ibi bigiye gutuma abana bataga ishuri bagaruka kuko ahanini iyo imvura yagwaga amashuri yavaga bigatuma batiga neza cyangwa se bakagira ubwoba ko yabagwira bakavamo.

Uwamahoro Valentine wiga mu mwaka wa gatandatu w’amashuri abanza kuri iki kigo yagize ati “Ku bana b’abakobwa bibaye akarusho kuko baduhaye icyumba cyacu cyihariye kizadufasha kwisukura dukomeze amasomo aho gutaha mu rugo nka mbere.”

Umuyobozi w’Akarere ka Musanze ushinzwe ubukungu n’iterambere, Habyarimana Jean Damascène yashimye cyane iki gikorwa asaba abana kubyaza umusaruro aya mashuri.

Yagize ati “Ntabwo kubaka aya mashuri byonyine bihagije, mugomba kuyabyaza umusaruro, turifuza ko abana biga muri aya mashuri kubera ko ari amashuri meza asobanutse; na bo bagomba gusobanuka kandi bizashoboka, bafite abarimu n’abayobozi basobanutse.”

Sebagabo Leonard, Umunyabanga Mukuru w’Itorero rya Pentekote mu Rwanda, yavuze ko iri torero rizakomeza gufatanya na Leta mu kwita ku burezi dore ko ngo banasanzwe bita ku masomero y’abakuze.

Ikigo cy’amashuri cya Nyarubara cyatangiye mu mwaka wa 1978. Kuri ubu gifite abanyeshuri 819 n’abarimu 17.

Amashuri yubatswe yitezweho gutuma abana bataga amashuri bayasubiramo
Ubwo ibi byumba byafungurwaga ku mugaragaro
Amashuri yari asanzwe muri iki kigo yari ashaje cyane

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved