Kwamamaza

Abanyarwanda 12 bafungiwe muri Tanzania

Yanditswe kuya 23-09-2016 saa 14:54' na Rabbi Malo Umucunguzi


Urukiko rwo muri Tanzania rwakatiye abanyarwanda 12 gufungwa umwaka umwe, bashinjwa kwinjira muri iki gihugu mu buryo bunyuranyije n’amategeko.

Iki gifungo bagihawe nyuma y’uko baburanishijwe hakanzurwa ko bagomba kwishyura ihazabu ingana n’amashilingi ya Tanzania 500 000 ariko bakananirwa kuyishyura.

Umucamanza wo mu rukiko rwo mu Karere ka Ngara mu Burengerazuba bwa Tanzania witwa Joseph Luambano yafashe uwo mwanzuro kuwa Gatatu w’iki cyumweru, ku byaha avuga ko bakoze kuwa 14 Nzeri 2016.

Ikinyamakuru The Citizen cyo muri Tanzania cyatangaje ko mu bakatiwe iki gifungo harimo Baseke Pierre w’imyaka 38, Tibesiana Alphonse w’imyaka 27, Ndayisaba Jean Claude w’imyaka 25 na Tuyizere Jean Claude ufite imyaka 19.

Abandi ni Sibomana Hategekimana w’imyaka 31, Subana Jacob w’imyaka 33, Ntawizera Ezechiel w’imyaka 34, Ndayisaba Eric w’imyaka 21, Ntagungira Evariste w’imyaka 47, Rwabigwi Phocus w’imyaka 31, Rutanga Andrew w’imyaka 31 na Hakizimana Innocent w’imyaka 33.

Akarere ka Ngara gaherereye mu Ntara ya Kagera ihana imbibi n’u Rwanda ku mupaka wa Rusumo, ikanakora ku gihugu cy’u Burundi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved