00:00:00 IGIHE NETWORK KN KINYARWANDA EN ENGLISH FR FRANCAIS

Abanyarwanda 11 babonye buruse yo kwiga muri Koreya y’Epfo

Yanditswe na Muhonzire Sylvine
Kuya 12 Kanama 2021 saa 05:24
Yasuwe :
0 0

Ikigo cya Koreya y’Epfo gitsura Amajyambere, KOICA, gisanzwe gitanga umusanzu mu bikorwa byinshi by’iterambere, cyahaye abakozi ba Leta buruse yo kwiga muri iki gihugu mu gihe cy’amezi 16, uhereye ku itariki 12 Kanama 2021.

KOICA isanzwe itanga iyi buruse yo kwiga Icyiciro cya Gatatu cya Kaminuza (Masters) muri Koreya y’Epfo ku bakozi n’abayobozi bakora mu nzego za leta kuva mu 2008 ndetse abagera ku 143 bamaze kubona impamyabumenyi.

Kuri iyi nshuro abakozi 11 ni bo bagiye gutangira amasomo yabo bishyurirwa 100% , aho bazakurikirana amasomo atandukanye arimo ay’Uburinganire n’Iterambere (Gender and Development), ajyanye n’Ubuhinzi (Agricultural Production), Ikoranabuhanga n’andi.

Ku wa 11 Kanama, abahawe iyi buruse bagiranye inama n’abandi Banyarwanda bavuye kwiga muri Koreya y’Epfo binyuze muri iyi porogaramu, inama yabaye hifashishijwe ikoranabuhanga kugira ngo babasangize ubunariribonye bakuyeyo ndetse babagire inama y’uko bazitwara.

Umuyobozi wa KOICA mu Rwanda, Chon Gyung Shik, yasabye abagiye kwiga gukora cyane bagahaha ubumenyi muri Koreya kugira ngo bazagire uruhare mu iterambere ry’ubukungu bw’u Rwanda igihe bazaba bagarutse.

Ubu abakozi ba leta bagera ku 148 barangije muri iyi porogaramu bose bari mu nzego zitandukanye mu Rwanda, aho bakoresha ubumenyi bahawe mu bikorwa bigeza igihugu ku iterambere rirambye.

Iyi porogaramu ya KOICA yo gutanga bourse zo kwiga Masters ku bakozi n’abayobozi ba leta batoranyijwe, yateguwe bigendanye n’ingamba ndetse na gahunda u Rwanda rufite yo kugera ku iterambere rirambye, SDGS.

Bamwe mu Banyarwanda bagize amahirwe yo kwiga Masters muri Koreya y’Epfo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .