Kwamamaza

Abantu umunani bakomerekeye mu mpanuka y’imodoka yavaga i Kigali yerekeza i Kampala

Yanditswe kuya 20-09-2016 saa 08:49' na Mukaneza M.Ange


Abantu umunani bakomerekeye mu mpanuka y’imodoka ya sosiyete ya Volcano Express yerekezaga mu Mujyi wa Kampala muri Uganda mu ijoro ryo ku wa Mbere tariki ya 19 Nzeri 2016.

Iyi modoka yahagarutse i Kigali ahagana saa tatu z’ijoro, yakoze impanuka ubwo yari igeze hafi y’umupaka wa Gatuna.

Umukozi wa Volcano Express yabwiye IGIHE ko abantu umunani ari bo bakomeretse, babiri muri bo bakaba bagize ibikomere bisa n’ibikomeye bari gukurikiranwa n’ibitaro bya Byumba.

Abantu umunani nibo bakomerekeye muri iyi mpanuka y'imodoka yerekezaga i Kampala

Umuvugizi w’Ishami rya Polisi y’u Rwanda rishinzwe umutekano wo mu muhanda,CIP Emmanuel Kabanda, yemeje iby’iyi mpanuka yabereye mu Mudugudu wa Kivuruga, Akagari ka Rwankonjo, Umurenge wa Cyumba mu Karere ka Gicumbi

CIP Kabanda yavuze ko ahagana saa 10:20 z’ijoro aribwo iyi modoka yarenze umuhanda irabirinduka, hakomereka abantu icyenda, batatu muri bo bakaba bakomeretse bikomeye.

Yakomeje avuga ko abari bakomeretse bose bamaze gusezererwa n’ibitaro uretse umwe wisabiye koherezwa kuvurirwa mu bitaro byitiriwe Umwami Faisal.

Abatagize icyo baba bo bahise bashakirwa indi modoka bakomeza urugendo. Iperereza ryatangiye ngo hamenyekanye icyaba cyateye iyi mpanuka.

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 24 September 2016
Copyright © 2009 -2014 - IGIHE Ltd - All Rights Reserved