Abantu umunani bafatiwe mu mukwabu w’ibikorwa bitemewe bijyanye n’amabuye y’agaciro

Yanditswe na IGIHE
Kuya 29 Nyakanga 2019 saa 08:01
Yasuwe :
0 0

Abantu umunani batawe muri yombi mu Karere ka Rutsiro bafatiwe mu mukwabu wa Polisi y’Igihugu wo kureba abakora ubucukuzi bw’amabuye y’agaciro mu buryo butemewe.

Abakekwa bose batawe muri yombi bafatiwe mu Murenge wa Mukura, aho bari barimo gucukura coltan nk’uko byatangajwe n’Umuvugizi wa Polisi mu Ntara y’Uburengerazuba, CIP Emmanuel Kayigi.

Kayigi yavuze ko uyu mukwabu wabaye ku wa 26 -27 Nyakanga nyuma y’aho bigaragariye ko muri kariya gace hakorerwa ubucukuzi butemewe, aho ibyo bikorwa byagiraga ingaruka ku mazi yo muri ako gace.

Babiri mu batawe muri yombi bari muri ibi bikorwa bitemewe, bafatanywe ibiro bine bya coltan. Abo ni abagabo babiri barimo umwe w’imyaka 37 n’undi wa 45,

CIP Kayigi yavuze ko uyu mukwabu uri muri gahunda yo kurwanya ubucukuzi butemewe bw’amabuye y’agaciro, aho yasabye abaturage gutanga amakuru y’ahari abantu bakora ibi bikorwa.

Mu bindi bikorwa byabaye, mu Murenge wa Rwinkwavu mu Karere ka Kayonza, hafatiwe umugabo ukekwaho ubucuruzi butemewe bw’amabuye y’agaciro, akaba yarafatanywe Coltan muri icyo gihe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza