Abana batoraguye imbunda ku mupaka w’u Rwanda na Congo

Yanditswe na Mukwaya olivier
Kuya 18 Ukwakira 2017 saa 09:31
Yasuwe :
0 0

Abana babiri biga mu mwaka wa kabiri mu mashuri abanza ku Rwunge rw’amashuri rwa Mutovu mu Murenge Bugeshi, batoraguye imbunda ku mupaka w’u Rwanda na Repuburika Iharanira Demokarasi ya Congo mu gitondo cyo kuri uyu wa Gatatu.

Aba bana batoraguye iyo mbunda yo mu bwoko bwa AK 47 ubwo barimo kwahira ubwatsi bw’amatungo mu Kagari ka Hehu, Umudugudu wa Ngando. Bayibonanye na magazine yuzuyemo amasasu ihishe mu ikarito nk’uko inzego z’ibanze zabitangarije IGIHE.

Umunyamabanga Nshingwabikorwa w’Umurenge wa Bugeshi, Nsabimana Mvano Etienne, yashimiye abaturage uko bihutira kumenyesha ubuyobozi iyo babonye ibikoresho bya gisirikare.

Yagize ati "Abana batoraguye iyi mbunda hafi n’umupaka wa Kabuhanga ubwo barimo kwahira ubwatsi. Turashimira ubwitange abaturage bakomeje kugaragaza berekana ahaba hahishe ibikoresho bya gisirikare bizadufasha gukomeza kubumbatira umutekano."

Iyo mpunda yahise ishyikirizwa Ingabo z’u Rwanda ziri muri batayo ya 137 zikorera ku mupaka wa Kabuhanga.

Umurenge wa Bugeshi uhana imbibi na Congo mu gace ka Kibumba kavugwamo abarwanyi ba FDLR, umutwe urimo abasize bagize uruhare muri Jenocide yakorewe Abatutsi mu Rwanda mu 1994.

Imbunda abana batoraguye ku mupaka w’u Rwanda na Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza