Kwamamaza

Abamotari bo muri Kenya binenze imikorere nyuma y’ibyo babonye mu Rwanda

Yanditswe kuya 5-08-2016 saa 17:42' na Thamimu Hakizimana


Abamotari 90 bo muri Kenya bashimangiye ko basanze uburyo abamotari bo mu Rwanda bakora butandukanye cyane n’uko iwabo bimeze barebereye ku mikorere,kwishyira hamwe n’igenzura rikorwa mu bamotari ubwabo.

Ibi babitangaje kuri uyu wa Gatanu tariki ya 5 Kanama 2016, ubwo basozaga iminsi itatu y’urugendoshuri bakoreraga mu Rwanda.

Kugira imyenda y’akazi, aho guhagarara,amakoperative atandukanye ndetse no kudatwara abagenzi barenze umwe kuri moto ni kimwe mu byo aba bamotari bo muri Kenya bemeza ko bigiye kuri bagenzi babo bo mu Rwanda.

Umuyobozi ushinzwe uburezi,urubyiruko umuco n’uburinganire mu Ntara ya Kisumu, Jennipher Atieno Kere yatangarije IGIHE ko yishimiye imikorere y’abamotari bo mu Rwanda ndetse anashimangira ko bagiye kuyijyana iwabo.

Yagize ati “ Ikintu cya mbere cyanejeje ni uburyo nta mu motari wa hano ushobora gutwara abantu barenze babiri kuri moto kuko ab’iwacu usanga banatwara abantu batanu cyangwa batandatu.”

Yongeyeho ko bishimiye ukuntu abamotari bo mu Rwanda bafite imyenda ibaranga n’ahantu habo hihariye bahagarara n’uburyo bakorera mu makoperative mu rwego rwo kwiteza imbere.

Mathew Thomas Juma Awino utwara moto mu Ntara ya Kisumu yagize ati “Twasanze abamotari bo mu Rwanda baturusha ibintu byinshi kuko icya mbere bakorera mu makoperative kugira ngo biteze imbere,bafite imyenda ibaranga n’ahantu hihariye bahagarara mu gihe twe tugikorera mu kajagari gusa.”

Umuyobozi w’impuzamashyirahamwe y’abatwara moto FERWACOTAM, Ntaganzwa Celestin, yemeza ko nta kintu gifatika abamotari bo mu Rwanda bungukiye kuri bagenzi babo bo muri Kenya.

Yagize ati “Urebye nta kintu gifatika twe twabungukiyeho ahubwo nibo bungukiye byinshi muri uru rugendo shuri kuko batubwiye ko iwabo hari abamotari bagitwara umugezi urenze umwe yewe nta n’amakoperative ababyarira inyungu bafite.”

Yasoje avuga ko iri tsinda ry’abamotari bagera kuri 90 bo muri Kenya basabye abo mu Rwanda kuzabasura kugira ngo na bo barebe imikorere yabo.

Urugendoshuri rw’aba bamotari barusoje kuri uyu wa Gatanu basura urwibutso rwa Jenoside rwa Kigali ndetse bakina umupira w’amaguru na bagenzi babo bo mu Rwanda aho batsinzwe 4 - 0.

Umuyobozi ushinzwe uburezi,urubyiruko umuco n’uburinganire mu Ntara ya Kisumu, Jennipher Atieno Kere
Umuyobozi w’impuzamashyirahamwe FERWACOTAM,Ntaganzwa Celestin
Mathew Thomas Juma Awino utwara moto mu Ntara ya Kisumu
Abamotari bo mu Rwanda(bambaye umutuku) bakinnye na bagenzi babo bo muri Kenya

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved