Kwamamaza

Abakoraga muri Minisiteri zasheshwe bijejwe imirimo

Yanditswe kuya 5-10-2016 saa 15:41' na Ntakirutimana Deus


Minisiteri y’Abakozi ba Leta n’Umurimo irahumuriza abakoraga muri Minisiteri zabayemo impinduka zitandukanye zirimo no guseswa, ko badakwiye kwiheba kuko barimo gushakirwa indi mirimo.

Itangazo ryashyizweho umukono na Minisitiri w’Intebe, Anastase Murekezi ku wa Kabiri tariki ya 4 Ukwakira 2016, ryagaragaje impinduka zitandukanye zirimo iseswa rya Minisiteri y’Umutekano (MININTER), gukomatanya iyari ishinzwe Umuryango wa Afurika y’Iburasirazuba n’iy’Ubucuruzi n’Inganda no guha inshingano z’Ubucukuzi bw’amabuye y’agaciro Minisitiri w’Umutungo Kamere.

Mu kiganiro na IGIHE, Minisitiri w’Abakozi ba Leta n’Umurimo, Uwizeye Judith yasabye abari abakozi b’inzego zasheshwe gutuza kuko leta iri kubashakira aho berekeza.

Ati “ Baracyari abakozi ba leta tugiye kubashakira aho bashobora kujya mu zindi nzego zitandukanye. Hanyuma nta n’ubwo ari na benshi dufite icyizere ko turi buhabone ariko binabayeho ko hari abatari buhabone birumvikana ko bari bube bahagaritswe by’agateganyo hanyuma turebe niba twahabona mu mezi atandatu ari imbere.”

Minisitiri Uwizeye yakomeje atangaza ko kugeza ubu hataramenyekana imibare nyakuri y’abakozi bagirwaho ingaruka n’izi mpinduka kuko hari abava mu nzego bakoragamo n’ abakomereza aho inshingano zazo zashyizwe; bityo igenzura rikaba rikomeje.

Ikindi kandi ni uko abari bubure imyanya bajyamo bazahagarikwa by’agateganyo mu gihe cy’amezi atandatu. Icyo gihe bamara amezi atandatu bahembwa bibiri bya gatatu by’umushahara bari basanzwe babona bakiri mu kazi.

Minisitiri Uwizeye ati “Bake cyane rwose bayibura wenda , abo nabo twagira icyizere ku mu mezi atandatu ko hari icyaba cyakozwe, kuko intego dufite ubu ni iyo kubashakira imyanya yindi.”

Minisitiri Uwizeye yasabye abo bakozi kwirinda kwiheba kuko ikibazo cyabo babyutse bagisuzuma.

Ati “Ku bakozi bo muri izi minisiteri nibwira ko hatagakwiye kubaho ikintu cyo kwiheba cyangwa kwibwira ko hari ibintu byacitse. N’ubwo bimeze gutyo hari indi myanya mishya iri muri leta nta n’ubwo ari na benshi cyane ku buryo twavuga ngo ni ikibazo gikomeye cyabaye kuri bo. Leta ni nini cyane bashobora kubonerwa imyanya ahandi.”

Minisitiri w'Abakozi ba Leta n'Umurimo, Judith Uwizeye

Ku bijyanye n’Abaminisitiri n’Abanyamabanga ba Leta bari muri izo nzego zasheshwe, MIFOTRA ivuga ko ikibazo cyabo kitayireba kuko ari abanyapolitiki bashyirwaho na Perezida wa Repubulika bidaciye mu ipiganwa.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved