Abakora mu by’amashanyarazi beretswe uburyo ikoranabuhanga ryafasha gukumira ingaruka

Yanditswe na Kanamugire Emmanuel
Kuya 4 Ukwakira 2016 saa 08:11
Yasuwe :
0 0

Hagamijwe kubafasha kurushaho kunguka ubumenyi mu bijyanye no gutegura imishinga irebana n’amashanyarazi n’ingaruka zishobora kuzana nayo, Ihuriro ry’Abikorera mu bijyanye n’ingufu z’amashanyarazi (EPD), ryateguye amahugurwa kuri porogaramu zishobora kwifashishwa mu gutegura neza uburyo imiyoboro y’amashanyarazi izaba iteye.

Aya mahugurwa y’iminsi ibiri yatangiye kuri uyu wa 4 Ukwakira 2016, yateguwe ku bufatanye n’Ikigo PowerSys cyo mu Bufaransa.

Bahuguwe kuri porogaramu (software) yitwa CYME yifashishwa mu gihe umuntu ategura umushinga wo gukwirakwiza amashanyarazi aho imufasha kumenya uko imiyoboro izaba iteye, uko umuriro uzaba ungana ndetse n’ibibazo bishobora kuvuka hifashishijwe ibishushanyo.

Umuyobozi wungirije wa EPD, Ndayisaba Edouard yavuze ko bahisemo gutegura aya mahugurwa kuko muri gahunda bafite harimo gutangiza inganda nto z’amashanyarazi(mini grid).

Ati” Mu cyerekezo twumva dushaka gufata ni ugukangurira abikorera mu bijyanye n’ingufu z’amashanyarazi kuba habaho gukora inganda nto z’amashanyarazi. Iyo porogaramu yafasha umushoramari kumenya icyo bizamusaba, atari mu bijyanye n’amafaranga gusa.”

Jules Fono, inzobere mu bijyanye n’amashanyarazi muri PoweSys, uri gutanga aya mahugurwa yavuze ko gukoresha iyi porogaramu bifasha kwirinda ingaruka zose zirimo kuba umuriro wagera ku baturage ari mwinshi cyangwa muke ukagira ibyo wangiza.

Yakomeje avuga ko kandi CYME ifasha guteganya ibisubizo ku bibazo bishobora kuvuka biturutse ku bwiyongere bw’umubare w’abantu bakeneye umuriro w’amashanyarazi.

Tuyisenge Philbert, umukozi mu ishami rishinzwe igenamigambi ry’amashanyarazi mu Kigo gishinzwe kongera ingufu(EDCL) wari witabiriye aya mahugurwa yavuze ko iyi porogaramu ari ingenzi cyane kuko ifasha mu kumenya uko imiyoboro imeze, ibibazo birimo kugira ngo bibe byakemurwa hakiri kare.

Yakomeje avuga ko wifashishije ibishushanyo umenya umubare w’abantu bakeneye amashanyarazi ndetse ikanakwereka niba ufite ubushobozi bwo kubahaza n’uburyo umuriro uzabageraho umeze.

Kugeza ubu u Rwanda rufite umuriro w’amashanyarazi ungana na Megawatts 193, ukoreshwa n’abaturage bangana na 24%.

Intego ihari ni uko mu 2018 abaturage bazaba bafite umuriro w’amashanyarazi bagomba kuba ari 48% n’aho abandi 22% bakazaba bakoresha ubundi buryo bubyara ingufu.

Leta kandi ivuga ko hari imishinga iri muri gahunda yitezweho gutanga ingufu zingana na megawatts 563 mu myaka ibiri iri imbere.

Abahugurwa berekwa uko umuriro ushobora kuba umeze hakoreshejwe ibishushanyo
Jules Fono, asobanurira abitabiriye amahugurwa uburyo porogaramu ya CYME ikora
Jules Fono n'Umuyobozi Wungirije wa EPD Ndayisaba Edouard

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244