Kwamamaza

Abakobwa bihariye imyanya ya mbere mu biganiro mpaka mu mashuri yisumbuye

Yanditswe kuya 15-09-2016 saa 11:45' na IGIHE


Maya Musenga wiga muri Wellspring Academy yatowe nk’umukobwa wahize abandi mu biganiro mpaka mu mashuri yisumbuye na za Kaminuza mu mwaka wa 2016.

Ni mu marushanwa yitwa “Young Entrepreneur’s Debate Championship 2016” (NYEDC), yateguwe na Rwanda Inspiration Back Up ku nshuro yayo ya gatandatu. Yasojwe kuwa 11 Nzeri 2016 muri Hilltop Hotel i Remera.

Musenga yakurikiwe na Belinda Uwase Isimbi wiga muri King David Academy na Clemence Mbabazi wiga mu ishuri rya Groupe Scolaire Mater Dei Nyanza. Aba bakobwa uko ari batatu ni bo baje mu myanya itatu ya mbere nk’intyoza zahiza abandi mu biganiro mpaka.

Umukobwa wabaye uwa mbere yahembwe mudasobwa ndetse ahabwa umudali ndetse ishuri rye rya Wellspring Academy ryitwaye neza nubwo ritaje mu myanya ya mbere.

Nyuma yo kwegukana iyi ntsinzi, Maya Musenga yavuze ko yashimishijwe n’uko ibi biganiro mpaka byagenze, avuga ko yatunguwe no kuba ari we watowe nk’uwahize abandi. Yavuze ko byamusigiye ubumenyi bwisumbuye mu kumenya kuvugira mu ruhame.

Muri uyu mwaka abakobwa bihariye imyanya ya mbere ndetse bitwaye neza kurusha abahungu muri iri rushanwa kuko muri batandatu ba mbere bitwaye neza hari harimo umuhungu umwe gusa, imyanya itatu ya mbere nabwo yegukanwa n’igitsinagore.

Ibigo byaje ku isonga mu mashuri yusumbuye ni Lycée de Kigali naho muri za Kaminuza ni Mount Kenya University iza imbere ni na wo mwanya yabonye mu mwaka ushize wa 2015.

Ibigo byatahanye imyanya ya kabiri ni Agahozo shalom na Kaminuza y’u Rwanda ishami ry’ikoranabuhanga mu cyiciro cya za kaminuza.

Maya Musenga wiga muri Wellspring Academy wabaye uwa mbere

Ishimwe, Dieudonne umuyobozi wa Rwanda Inspiration Backup itegura aya marushanwa yavuze ko kuri iyi nshuro amarushanwa ya “Young Entrepreneur’s Debate Championship 2016” yatangiriye mu turere kugeza ku rwego rw’igihugu aho mu cyiciro cya nyuma habashije kugeramo ibigo 14.

Yavuze ko ku musozo w’irushanwa buri Ntara yari ihagarariwe n’amashuri abiri uretse Umujyi wa Kigali wari uhagarariwe n’ibigo bine.

Abanyeshuri bahatanye banahawe amahugurwa y’iminsi ibiri mu kumenya gushaka ibisubizo by’ibibazo bahura na byo no kwihangira imirimo. Ati “Abahatanye bahawe amahugurwa y’iminsi ibiri ku bijyanye n’uko kwihangira imirimo ari ingenzi n’ibindi bijyanye na byo.”

Yongeraho ato “Iri rushanwa ngarukamwaka ritegurwa kugirango abanyenshuri bishakemo ibisubizo by’imbogamizi bahura na zo, rikanabafasha kugira umuhate wo kuba ba rwiyemezamirimo ndetse bakanagira uruhare muri gahunda za leta.”

Akanama nkemurampaka muri ibi biganiro
Ishuri rya Janja ryari ryaserukiye Amajyaruguru
Abanyeshuri ba King David Academy
Abakobwa bo muri Lycée de Kigali bigaragaje neza
Mu batsinze higanjemo abakobwa
Lycée de Kigali yabaye iya mbere mu mashuri yisumbuye
Uhereye iburyo ni Belinda Uwase Isimbi, Maya Musenga, uwari mu kanama nkemurampaka na Clemence Mbabazi wabaye uwa gatatu
Maya Musenga na Belinda Uwase Isimbi wabaye uwa kabiri

Amafoto: Mahoro Luqman


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved