Abakekwaho kwica umunyeshuri wo muri KIST batawe muri yombi barimo n’umukunzi we

Yanditswe na Akayezu Jean de Dieu
Kuya 12 Nzeri 2019 saa 06:00
Yasuwe :
0 0

Urwego rw’Ubugenzacyaha, RIB, rwataye muri yombi babiri mu bakekwaho kugira uruhare mu rupfu rw’umukobwa witwa Imanishimwe Sandrine wari umunyeshuri muri Kaminuza y’u Rwanda Ishami ry’Ubumenyi n’Ikoranabuhanga (UR-CST), ahahoze ari muri KIST.

Mu ijoro ryo ku Cyumweru tariki 8 Nzeri 2019, nibwo umurambo wa Imanishimwe w’imyaka 21 y’amavuko watoraguwe muri KIST, uri mu nzira abanyeshuri banyuramo ufite ibikomere ku mutwe bikekwa ko yishwe.

RIB yatangaje kuri uyu wa Kane ibinyujije kuri Twitter ko kugeza ubu hamaze gufatwa abantu babiri bakekwaho gucura umugambo wo kwica uyu munyeshuri bivugwa ko akomoka mu karere ka Huye.

Ubwo butumwa bugira buti “RIB yafashe babiri bakekwaho gucura umugambi no kwica Imanishimwe Sandrine, barimo uwahoze ari umukunzi we. Imanishimwe yari umunyeshuri muri Kaminuza y’u Rwanda, Ishami ry’Ubumenyi n’Ikoranabuhanga, akaba yarishwe ku itariki ya 8 Nzeri 2019

Amakuru avuga ko Imanishimwe yari umunyeshuri mu mwaka wa mbere mu ishami ry’ikoranabuhanga mu gashami ka Biochemistry.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza