Kwamamaza

Abahinzi ibihumbi 44 bagiye gufashwa kugera kuri serivisi z’imari

Yanditswe kuya 10-11-2016 saa 17:22' na Mukaneza M.Ange


Umuryango Mastercard Foundation ufatanyije na ICCO Cooperation batangije umushinga uzafasha abahinzi ibihumbi 44 bo mu Rwanda kugerwaho na serivisi z’imari no kubona inguzanyo zizatuma bateza imbere ubuhinzi bwabo.

Uyu mushinga witwa STARS (Strengthening African Rural Smallholders) watangijwe ku itariki ya 9 Ugushyingo 2016, ukazakorwa mu gihe cy’imyaka itanu.

Umuhuzabikorwa w’umushinga STARS, Netlyn M.Bernard yavuze ko utazagarukira mu Rwanda gusa ahubwo uzagera no mu bindi bihugu bitatu bya Afurika aribyo Burkina Faso, Ethiopia na Senegal.

Ati” Uyu mushinga witwa STARS, uzakorwa mu byiciro bitatu by’ingenzi mu Rwanda. Icya mbere tuzakorana n’Ibigo by’imari iciriritse bitanu , tuzabifasha gutegura sirivizi z’imari zizafasha abahinzi kugera ku nguzanyo no guteza ubwizigame bwabo.”

Yakomeje avuga ko bazanakorana na koperative zigera kuri 20 mu bijyanye no kongerera agaciro umusaruro wabo kugira ngo babashe kugera ku masoko yo mu gihugu no hanze.

M.Bernard yagize ati” Kimwe mu bintu by’ingenzi kuri uyu mushinga wa STARS, ni uko abo tuzakorana nabo 50% ari abagore. Kubera ko twizera ko gukorana n’abagore biduha ubushobozi kuzana impinduka zirambye.”

Umuyobozi wa ICCO-Cooperation mu Rwanda, Birasa Patrick yavuze ko ibihingwa bizitabwaho mu bijyanye no kongera agaciro ari umuceri n’ibirayi.

Yakomeje avuga ko ikindi kizakorwa muri uyu mushinga ari ugusuzuma ibyakozwe kugira ngo babashe kumenya serivisi z’imari abahinzi bato n’abaciriritse baba bakeneye ndetse no kureba ibyagenze neza kugira ngo bisangizwe abandi.

Uwari uhagarariye MasterCard Foundation, Paul Tjassen yavuze ko mu mushinga wa STARS, hazashorwamo amafaranga angana na miliyoni 17 z’amadolari, ikigamijwe akaba ari ukugira ngo abahinzi batoranyijwe nyuma y’imyaka itanu bazabe bafite aho bamaze kwigeza no guhaza isoko.

Ati” Ikibazo gihari ni uko umuhinzi ahabwa inguzanyo, agasabwa kuyishyura buri kwezi, kandi mu by’ukuri abona amafaranga inshuro ebyiri gusa mu mwaka kuko aribwo umusaruro we uboneka. Icyo ICCO igamije ni ugukorana n’abafatanyabikorwa mu gushyiraho serivisi zigenewe abahinzi bato, zijyanye n’uko amafaranga yabo yinjira n’uko ubuzima bwabo bumeze.”

Muri rusange uyu mushinga uzafasha abahinzi ibihumbi 210 barimo ibihumbi 44 bo mu Rwanda, 39500 bo muri Senegal, 50500 bo muri Burkina Faso n’ibihumbi 76 bo muri Ethiopia.

Patrick Birasa(iburyo) uhagarariye ICCO Cooperation mu Rwanda
Uwari uhagarariye MasterCard Foundation, Paul Tjassen(iburyo) yavuze ko mu mushinga wa STARS, hazashorwamo amafaranga angana na miliyoni 17 z’amadolari

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved