Kwamamaza

Abahanzi basabwe guhanga bashingiye ku muco Nyarwanda

Yanditswe kuya 28-09-2016 saa 11:01' na Bazatsinda Jean Claude


Ubwo yasozaga itorero ry’abahanzi ryiswe Indatabigwi icyiciro cya kabiri, Minisitiri w’Umuco na Siporo, Uwacu Julienne, yabasabye gukora ubuhanzi bushingiye ku mwimerere w’umuco Nyarwanda.

Iki cyiciro cya kabiri cy’indatabigwi 211, cyatangiye gutozwa ku wa 17 Nzeri, gisoza kuwa 27 Nzeri 2016, gitorezwa mu kigo cy’amahugurwa cya Nkumba, giherereye mu karere ka Burera, mu Ntara y’Amajyaruguru.

Minisitiri w’Umuco na Siporo, Uwacu Julienne, yashishikarije aba bahanzi gukora ubuhanzi bushingiye ku mwimerere w’umuco Nyarwanda birinda kwigana abandi.

Yagize ati "Ubuhanzi na bwo butere imbere ariko musabwa kubukora mushingiye ku mwimerere w’umuco Nyarwanda kuko ari byo biranga umwihariko w’abantu aho gukora iby’abandi kandi na byo utabikora neza nka ba nyirabyo."

Yakomeje abasaba kudatakaza ubunyarwanda bakarushaho kunoza ibyo bakora kuko ari byo bigaragaza ubuhanga bwabo n’ubushobozi bafite aho guhora basaba inkunga.

Ati"Buri gihugu gifite umuco wacyo, ntimukwiye kumva ko hari umuco wundi waca umuco Nyarwanda."

Bamwe mu bitabiriye iri torero bemeza ko bahakuye ubumenyi buhagije cyane bwerekeye amateka y’igihugu cyababyaye.

Munyanshoza Dieudonne bakunze kwita Mibirizi yagize ati"Ubu tugiye kunoza ibihangano byacu kuko amakosa twakoraga twarayabonye kandi agiye gukosoka. Ahenshi wasangaga nta mwimerere Nyarwanda uri mu byo dukora ku buryo twari kuzisanga umuco wacu warazimiriye mu yindi y’ahandi."

Makoni Koshwa we yagize ati"Njye niganyiraga kuza gutozwa numva ari ibintu bikomeye kandi bivunanye, ubu dusoje nta kibazo kandi nari maze igihe gito norohewe n’uburwayi , ubumenyi mpakuye buzamfasha gukora indirimbo zibereye abanyarwanda bityo n’abanyamahanga bazikundire umwihariko wazo."

Itorero ry’Indatabigwi ryitabiriwe n’abahanzi b’indirimbo, abakora ubugeni, abanyamideli, abanditsi n’abakinnyi ba filimi ndetse n’abakozi ba leta bafite umuco mu nshingano zabo. Batojwe bakurikira abandi nk’abo batojwe mu cyiciro cya mbere muri Nzeri umwaka ushize.

Insanganyamatsiko y’iri torero yagiraga iti"Duhange tugamije kubaka u Rwanda rushya, kwigira no kwihesha agaciro dushingiye ku muco n’amateka by’u Rwanda"

Intore zerekanye ibindi zungutse zikora akarasisi ndetse n'imyitozo ngororamubiri
Abahanzi batojwe biyemeje kuganisha ibihangano byabo ku muco Nyarwanda
Abatojwe bahawe impamyabumenyi zerekana ko banyuze mu itorero
Umuyobozi wa RALC (ibumoso), Minisitiri Uwacu na Rucagu bafasha intore kwishimira uko itorero risojwe
Rucagu Boniface yasabye Abahanzi gufasha Leta kuyobora abanyarwanda mu cyerekezo kizima babinyujije mu bihangano
Minisitiri Uwacu yasabye abahanzi batojwe guhanga bita ku muco Nyarwanda

[email protected]

Amafoto: MINISPOC


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved