Kwamamaza

Abafurere batatu barohamye mu kiyaga cya Muhazi babiri barapfa

Yanditswe kuya 16-11-2016 saa 20:03' na IGIHE


Abafurere batatu bo mu mu muryango w’’Abambari ba Jambo’ batuye mu murenge wa Gikomero, Akarere ka Gasabo barohamye mu kiyaga cya Muhazi babiri barapfa naho umwe ararokoka, ubwo berekezaga mu murenge wa Bukure hakurya y’ikiyaga mu karere ka Gicumbi.

Mu ntangiriro z’iki cyumweru nibwo inkuru y’irohama ryabo bafurere yamenyekanye ariko imirambo yarohowe uyu munsi kuwa Gatatu, bitewe n’imiterere y’icyo kiyaga irimo n’isayo ryinshi ryagoye ababashakishaga.

Umuvugizi wa Polisi y’u Rwanda ACP Theos Badege, yatangarije RBA ko abo bafurere barohamye bajyanye mugenzi wabo wari urwaye kwa muganga mu bwato bw’igiti butagira moteri.

Yemeje ko bahuye n’umuhengeri ukabarusha imbaraga bakarohama dore ko nta n’umwambaro urinda kwibira bari bambaye.

Yagize ati “Kurohama byabaye kuri 13 z’uku kwezi ni ku Cyumweru ahashyira saa cyenda, ni abafurere batatu batuye muri Gikomero ngo bari bagiye kwa muganga bahura n’umuhengeri, umwe abasha koga ararokoka abandi bararohama.”

ACP Badege yatangaje ko abapfuye ari Hafashimana Diogène w’imyaka 30 , Nsengimana Abraham w’imyaka 27, naho uwarokotse akaba ari Uwihanganye Robert w’imyaka 35 ari na we wari ubatwaye.

Yatangaje ko ibikorwa byo mu kiyaga cya Muhazi bikomeza uko bisanzwe, asaba abantu kujya mu mazi bambaye umwambaro ubabuza kwibira kandi bakagira umuco wo gukoresha ubwato bwa moteri.

Ikiyaga cya Muhazi cyaguyemo Abafurere babiri

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved