Abadepite ba EU basabwe kugaragaza uruhare mu guta muri yombi abahekuye u Rwanda

Yanditswe na Ishimwe Israel
Kuya 20 Nzeri 2016 saa 12:39
Yasuwe :
0 0

Inteko Ishinga Amategeko y’u Rwanda yasabye itsinda ry’Abadepite baturutse mu Nteko y’Umuryango w’Ubumwe bw’u Burayi muri Komisiyo Ishinzwe Uburenganzira bw’Abagore n’Uburinganire kugaragaza uruhare mu guta muri yombi abakoze Jenoside bacyidegembya mu bihugu bitandukanye.

Ibi babisabwe ubwo batangiraga uruzinduko rw’iminsi itatu bari kugirira mu Rwanda guhera kuri uyu wa Kabiri, basura Inteko Ishinga Amategeko y’u Rwanda ndetse no kureba imikorere yayo.

Depite Kalisa Evariste yabajije uruhare rw’Inteko y’Abadepite bagize Inteko Ishinga Amategeko ku mugabane w’i Burayi mu guta muri yombi abasize bakoze Jenoside.

Mu gusubiza iki kibazo uwari uhagarariye itsinda ry’aba badepite, Iratxe Garacia Perez yavuze ko hakiri ikibazo kuri guverinoma zigicumbikiye abasize bakoze amahano muri Jenoside yakorewe abatutsi muri Mata 1994 zidashaka kubarekura ariko ko bagiye kubibumvisha binyuze mu biganiro.

Yagize "Twe nk’Inteko dukora ubuvugizi bwo guta muri yombi abakekwa ariko icyemezo gifatwa n’ibihugu by’ibinyamuryango."

Ku munsi wa mbere w’ibi biganiro kandi aba badepite bahuye na Komisiyo ya Politiki n’iterambere ry’uburinganire mu Nteko Ishinga Amategeko y’u Rwanda basobanurirwa iterambere ry’uburinganire mu gihugu ndetse n’uruhare rw’umugore.

Aba badepite bazasoza uruzinduko rwabo tariki ya 23 Nzeri 2016.

Iratxe Garacia Perez, uhagarariye itsinda ry'abadepite bagize Inteko Ishinga Amategeko y’Ibihugu bigize Umuryango w’Ubumwe bw’u Burayi
J. Ward, umwe mu badepite baturutse mu Nteko Ishinga Amategeko y'Umuryango w'Ubumwe bw'i Burayi
Abadepite ba EU basuhuzanya n'abagize Inteko Ishinga Amategeko mu Rwanda
Perezida w'Inteko Ishinga Amategeko y'u Rwanda, Umutwe w'Abadepite, Mukabalisa Donatille
Abadepite baturutse ku mugabane w'i Burayi bishimiye urwego uburinganire bugezeho mu Rwanda
Nyuma yo gusobanurirwa imikorere y'Inteko Ishinga Amategeko mu Rwanda bafashe ifoto y'urwibutso

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza