Kwamamaza

Abadepite batunguwe basanze 50% by’ibikoresho bya internet muri UR bidakora

Yanditswe kuya 8-11-2016 saa 19:54' na Jean Pierre Tuyisenge


Abadepite bagize Komisiyo y’Ububanyi n’Amahanga, Ubutwererane n’Umutekano batunguwe no gusanga muri Kaminuza y’u Rwanda, Koleji y’Ubumenyi n’Ikoranabuhanga (CST) n’Iy’Ubuvuzi n’Ubuzima (CMHS) 50% by’ibyuma byashyizweho ngo bifashe mu isakazwa rya Internet bitagikora.

Ni mu gikorwa cyo Kumenya no kugenzura uko inguzanyo cyangwa impano u Rwanda rubona zikoreshwa hirya no hino mu gihugu n’icyo bimariye abaturage, uyu munsi iri tsinda ry’abadepite rikaba ryari mu karere ka Nyarugenge, muri izi Koleji zombi.

Ubuyobozi bw’aya mashuri, bwasobanuriye abadepite ko umushinga wo gushyiraho ibyo byuma watangiye mu mwaka wa 2011, ariko ntibawugiramo uruhare kuko amasezerano yari hagati y’Ikigo cy’Igihugu gishinzwe Iterambere RDB na Sosiyete ya Balton, ubuyobozi bw’aya mashuri bukaba bwo bwari abagenerwabikorwa gusa.

Depite Rusiha Gaston, umwe mu bagize iyi Komisiyo yagereranyije gupfa kw’ibyo byuma no gucika kw’ikiraro abantu bambukiragaho abaza icyo bakoze bamaze kubona ko ibyo byuma byapfuye n’icyaba giteganywa gukora.

Depite Umukobwa Justine yavuzeko ubusanzwe RDB yashyize internet mu bigo by’amashuri na za Kaminuza kugira ngo abanyeshuri barusheho kugira ubumenyi no kubaka ubushobozi, avuga ko basigaga bahuguye abantu bazacunga imikorere y’ibyuma.

Umuyobozi ushinzwe ikoranabuhanga muri CST, Gorret Birasa yasobanuye ko nta na kopi n’imwe y’amasezerano ari hagati y’abayasinye.

Yagize ati “ Balton yarazaga ikatubwira iti twumvikanye na RDB ko dushyira ibyuma bya Internet hano, nimutwereke aho tubishyira, tukabereka.”

Umuyobozi mukuru wa CST Prof. Manasseh Mbonye, yavuze ko ikigaragara ari uko ibyo byuma bitari byujuje ubuziranenge ashingiye kukuba bitaramaze kabiri.

Yagize ati “Uyu mushinga wo kuzana Internet muri iri shuri wari hagati ya Balton na RDB, bimwe rero mu byuma byawo byarangiritse ariko twebwe twari abagenerwabikorwa, gusa bigaragara ko bitari byujuje ubuziranenge kuko byangiritse nta gihe gishize.”

Umuyobozi mukuru wa CST Prof. Manasseh Mbonye(ibumoso) na Depite Mutimura Zeno

Dr Kagwiza Jeanne, Umuyobozi mukuru wa Koleji y’Ubuvuzi n’Ubuzima CMHS ,yavuze ko ku masomo akenera gukoresha internet yihuta no ku biga hakoreshejwe uburyo bw’ Iyakure (Video Conference) hari igihe byanga kubera ikibazo cya Internet.

Yagize ati “ Mwabonye ko iyo twigisha kuvura usanga twigisha n’abari kure mu zindi Koleji (E-Learning), dukenera rero internet yihuta kandi ubu dukeneye nyinshi kuko n’abayikoresha bariyongereye.”

Ubuyobozi bw’akarere ka Nyarugenge bwakiriye aba badepite, busaba ko hazagira igikorwa kugira ngo n’abaturage bahaturiye bajye babona internet bitabagoye.

Umuyobozi wungirije w’akarere ka Nyarugenge ushinzwe Imibereho myiza y’Abaturage Ndayisenga Jean Marie Vianney yagize ati “ Turashima uko umutungo aya mashuri awukoresha ariko umuturage wo hepfo hano, umunyeshuri wa Camp Kigali aramutse abasha gufata kuri iyi Internet byarushaho kuba byiza.”

Iyi komisiyo yo mu Nteko Ishinga Amategeko yashimye by’umwihariko uburyo aya mashuri uko ari abiri yakoresheje umutungo yagenewe, gusa bavuga ko ikibazo bahuye na cyo cyo kuba ibyuma bya Internet bitagikora bagiye kugikurikirana bakabaza abo kireba.

Umuyobozi Mukuru w’iyi Komisiyo, Mutimura Zeno yagize ati “ Twasanze bikora neza ndetse iyi mishinga yagiriye abanyeshuri akamaro, gusa biriya bikoresho byapfuye ku ruhande rwa CST na CMHS, tugiye kubaza RDB iby’ayo masezerano turebe niba ibikoresho ari byo byari bifite ikibazo cyangwa niba ari amasezerano ari hagati y’aba babiri.”

Iyi Komisiyo imaze iminsi izenguruka mu bigo bitandukanye igenzura uko inguzanyo cyangwa impano u Rwanda rubona zikoreshwa hirya no hino mu gihugu n’icyo bimariye abaturage, nibamara kubikusanya bazabigeza mu Nteko Ishinga Amategeko kugira ngo biganirweho ndetse hazarebwe ikindi cyakorwa.

Umuyobozi wungirije w’akarere ka Nyarugenge ushinzwe Imibereho myiza y’Abaturage Ndayisenga Jean Marie Vianney
Dr Kagwiza Jeanne, Umuyobozi mukuru wa Koleji y’Ubuvuzi n’Ubuzima, CMHS
Bimwe mu bikoresho byashyizweho na Balton byarapfuye
Abanyeshuri bari kwiga hakoreshejwe Video Conference

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved