Kwamamaza

Abadepite ba EALA barasaba ubufasha abakuru b’ibihugu bya EAC mu gukumira ibiza

Yanditswe kuya 24-10-2016 saa 09:05' na Philbert Hagengimana


Abagize Inteko Ishinga Amategeko y’Umuryango wa Afurika y’u Burasirazuba (EALA) bahaye umukoro abakuru b’ibihugu bigize uwo muryango, ngo bahurize hamwe imbaraga mu gukumira ibiza no kugabanya ingaruka mbi zibiturukaho.

Ibi babitangaje mu Nteko rusange ya EALA, ubwo abo badepite bahaga Guverinoma ya Tanzania ubutumwa bw’ihumure no kwihanganisha imiryango yaburiye abayo mu mutingito wabaye ku wa 10 Nzeri uyu mwaka mu gace ka Kagera, nkuko The New Times ibitangaza.

Depite Nancy Abisai wo muri Kenya yagarutse ku mushinga w’itegeko ryo gukumira ibiza wo mu 2013, wemejwe muri Werurwe uyu mwaka, ati “Inteko Ishinga Amategeko yatoye itegeko ryo gukumira ibiza, bityo rikwiye kudufasha kwitegura ibyo mu gihe kizaza. Ubukangurambaga no kwirinda ibiza ni ngombwa.”

Abadepite ba EALA baboneyeho gusaba abakuru b’ibihugu by’uyu muryango gushyiraho uburyo bwo kuburira abaturage mbere y’uko haba ibiza nk’uko bigenda mu bindi bihugu byateye imbere.

Umunyarwandakazi Depite Hajabakiga Patricia yagize ati “Umutingito ushobora kumenyekana mbere n’igihe uzabera. Ni yo mpamvu tuvuga ko hakenewe ko hashyirwaho uburyo bwo kuburira abaturage mbere. Biri no mu itegeko.”

Nk’uko byagarutsweho na Depite Shyrose Bhanji wo muri Tanzania, nk’igihugu cyahuye n’iyo nsanganya, avuga ko hatanzwe ubufasha butandukanye ariko ko hakiri byinshi byo gukora kugira ngo ubuzima bw’abatuye Kagera bwongere bugende neza nk’uko byari bisanzwe.

Depite Fred Mbidde na we yasabye ko hakorwa ubushakashatsi ku Karere kose muri rusange, abaturage bakamenyeshwa neza imihindagurikire y’ibihe, kugira ngo binoroshye mu igenamigambi.

Umuyobozi w’Ihuriro ry’Abaminisitiri muri EAC, Dr. Susan Kolimba, yavuze iri tegeko nta kabuza rizemeza n’abakuru b’ibihugu mu nama izabahuza mu kwezi gutaha.

Iri tegeko ryabanje gusa n’irigorana kwemezwa, rigamije gushyiraho uburyo bufatika haba ku rwego rw’akarere ndetse n’ibihugu ubwabyo bwo kurwanya ibiza ndetse no gufasha mu buryo bwihuse ababa bagizweho ingaruka nabyo.

Umutingito wibasiye Tanzania muri Nzeri uyu mwaka nka kimwe mu biza bikomeye byibasiye aka karere, wahitanye abantu 17 ukomeretsa 440, naho ibihumbi by’abantu byakuwe mu byabo nawo.

Abadepite bagize EALA bavuga ko hasabwa imbaraga nyinshi mu gukumira ibiza

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved