Aba " Agent " ba Cogebanque barakorera muri Tour du Rwanda 2016

Yanditswe na Kanamugire Emmanuel
Kuya 14 Ugushyingo 2016 saa 10:07
Yasuwe : XX
0

Buri gace kazajya gasorezwamo isiganwa muri Tour du Rwanda, hazajya haba hari abahagarariye Cogebanque “Agents” babitsa bakanabikuza amafaranga kimwe no gufungura amakonti mashya mu rwego rwo kwegereza abakiriya serivisi za banki.

Iyi konti ifungurwa n’umu Agent yitwa “ITEZIMBERE” ifite umwihariko wo kudakatwa amafaranga yo gucunga konti buri kwezi, uyifite ahabwa serivisi nk’izabafungurije ku mashami asanzwe.

Uyu ni wo mwihariko wa Cogebanque mu isiganwa ry’amagare rizenguruka igihugu, Tour du Rwanda 2016, batera inkunga ku rwego rw’ibanze (Main Sponsor) aho banahemba umukinnyi wazamutse imisozi kurusha abandi.

Undi mwihariko muri uyu mwaka bazaba bafite n’ikipe yabo yitwa “ Les Amis Sportifs de Rwamagana” batera inkunga, yakinagamo Ndayisenga Valens wegukanye Tour du Rwanda mu 2014.

Mukabanana Theonestine ushinzwe kumenyekanisha ibikorwa bya Cogebanque avuga ko uyu mwaka bazakorana n’aba Agents muri Tour du Rwanda mu kubahuza n’abakiriya aho iri siganwa rizanyura hose.

Yagize ati “ Buri hantu isiganwa rizaba ryarangiriye hazajya haba hari aba “Agents” bafungura amakonti mashya ndetse hari n’abakozi ba banki basobanura ibikorwa bishya Cogebanque irimo kugeza ku ba kiriya bayo. Ibi ni ukugira ngo abantu begerezwe serivisi za banki ndetse bakurikirane amasiganwa ariko bakorana na banki aho ayo masiganwa azaba abera.

Mukabanana avuga ko umwihariko w’uturere isiganwa rizajya risorezwamo hari ishami rya Cogebanque bazajya bahura n’abakiriya bungurane ibitekerezo hagamijwe gushaka icyabateza imbere.

Yagize ati “ Tuzajya dusabana n’abakiriya b’aho isiganwa ryasorejwe, twumve ibyifuzo n’ibibazo byabo dushakire hamwe ibisubizo, si amasiganwa y’amagare gusa ni umwanya wo kwegera abafatanyabikorwa bacu.”

Muri iri siganwa uzaba umwanya wo gukangurira abantu kwizigamira bakungukirwa bakoresheje konti Teganya ku buryo abakiriya bazajya bayifunguza aho Tour du Rwanda izagera hose.

Uretse iminsi itatu iri siganwa rizasorezwa mu mujyi wa Kigali, nibura uturere dutanu tuzakira Tour du Rwanda, Ngoma (kuwa Mbere), Karongi (kuwa Kabiri), Rusizi (kuwa Gatatu), Huye (kuwa Kane) na Musanze kuwa Gatanu, tariki ya 18 Ugushyingo 2016.

Aho buri gace k'isiganwa rya Tour du Rwanda karangirira haba hari aba agent ba Cogebanque
Cogebanque ni umuterankunga w'imena wa Tour du Rwanda 2016
Cogebanque ihemba umukinni watsinze ahazamuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza