Kwamamaza

Abafite ubumuga bize kaminuza bakabura akazi, baratabaza

Yanditswe kuya 28-10-2016 saa 13:56' na Pacifique Ntakirutimana


Umuryango w’abafite ubumuga bwo kutabona, uravuga ko kuva hatangizwa gahunda yo gufasha abafite ubumuga kwiga amasomo ya kaminuza, ngo abasaga 40 bamaze gusoza amasomo.

Uyu muryango uvuga ko abafite ubumuga batangiye gufashwa kwiga kaminuza mu 2009, bigira muri koleji y’uburezi yahoze ari KIE, ahamaze kurangiza abasaga 40.

Gusa n’ubwo bimeze bityo ariko, abafite ubumuga ngo baracyabangamiwe bikomeye no kubona akazi nyuma yo kurangiza amasomo, dore ko ngo muri abo bamaze kurangiza, bane bize mu buryo bw’Iyakure mu yahoze ari KIE, babonye akazi ko kwigisha mu Karere ka Rwamagana, abize mu buryo busanzwe, ababonye akazi ni babiri, ndetse n’undi umwe warangije mu ishami ry’amategeko, akaba akora mu Nama y’Igihugu y’Abafite Ubumuga.

Aha niho bahera basaba ko umubare w’abafite ubumuga bwo kutabona n’ubukomatanyije (kumva no kutabona) bagana ishuri wiyongera ndetse ukanajyana no guhabwa akazi mu gihe baba barangije kwiga.

Ubwo uyu muryango wasuraga akarere ka Gicumbi kuri uyu wa Kane, mu rwego rwo kureba uko abafite ubumuga bukomatanyije bitaweho, bawugaragarije ko bafite ubushake bwo kubyaza umusaruro amahirwe bahabwa mu burezi igihe ireme ryabwo ryakongerwa.

Uyu muryango werekanye ko mu turere dutanu bamaze kugeramo basanze abafite ubumuga bukomatanyije 117 bari gukurikirana amasomo mu mashuri atandukanyije kuva mu mashuri abanza.

Ingabire Severe ukuriye komite y’Ubuvugizi ku bafite Ubumuga bwo kutabona ku rwego rw’Igihugu, avuga ko bifuza ko inzego z’ibanze zabafasha kumenya neza umubare w’abafite ubumuga bwo kutabona bahatuye, ndetse ubuyobozi bw’aka karere nabwo bugashyira mu bikorwa itegeko rirengera abafite ubumuga.

Avuga kandi ko umubare w’abafite ubumuga bwo kutabona batiga ari wo minini kurusha abafite ubundi bumuga butandutakanye, bityo agasaba ko hakwiye gukorwa ubuvugizi kugira ngo ibi bihinduke.

Murekezi Jean Bosco, Umukozi w’Akarere ka Gicumbi Ushinzwe kwinjiza abafite ubumuga muri gahunda z’Abaturage, avuga ko bakomeje kongera ubuvugizi hamwe n’ Abafatanyabikorwa, ku buryo abafite ubu bumuga bakwitabwabo bashakirwa amashuri, dore ko muri aka karere bahari kandi bakaba biga bagatsinda neza kurusha benshi badafite ubumuga.

Riberakurora Boniface, Umuyobozi uhagarariye abafite ubumuga mu Karere ka Gicumbi, ashima cyane imbaraga urwego abafite ubumuga bagezeho bikorera ubuvugizi, ndetse anasaba Ubuyobozi gukomeza gufatanya haba mu guhugura abarimu bigisha abafite ubumuga ndetse no gushaka ibikoresho bikenerwa nk’imashini bifashisha mu kwandika n’ibindi.

Ingabire avuga ko asaba inzego z'ubuyobozi kubafasha kumenya umubare w'abafite ubumuga bayobora kugira ngo bafashwe
Abafite ubumuga bagaragaza impano bafite zituma badakwiye gupfukiranwa. (aha berekanaga uko bashobora guhana gahunda kandi bakumvikana)
Abafite ubumuga bavuga ko bahawe amahirwe batayapfusha ubusa

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved