IGIHE.com > Amakuru > U Rwanda
Abavandimwe b’Abayisilamu bahinduye umusigiti ahakorerwa iyicarubozo

Abavandimwe b’Abayisilamu bahinduye umusigiti ahakorerwa iyicarubozo


Yanditswe kuya 25-03-2013 - Saa 22:03' na Deus Ntakirutimana

Urubyiruko rwo mu Misiri ruravuga ko rwakorewe ibikorwa by’iyicarubozo n’abavandimwe b’Abayisilamu (Les Frères musulmans).

Nk’uko urubuga slateafrique.com rubitangaza, iri yicarubozo ryakorewe urubyiruko rwari rurimo kwitemberera rwahagaritswe ku ngufu rwinjizwa mu musigiti wa Bilal, maze batangira kugirirwa nabi hifashishijwe ibyuma nk’uko bigaragazwa na filimi yashyizwe ahagaragara tariki ya 24 Werurwe na le collectif Mosireen.

Umwe mu bakorewe ibi bikorwa akaba avuga ko iyi nzira y’umusaraba bayiciyemo ku wa Gatanu tariki ya 22 Werurwe 2013. Ibi bijya kuba byabanjirijwe n’ubushyamirane bwabaye hagati y’abavandimwe b’Abayisilamu n’abo batavuga rumwe na bo.

Ishyirahamwe ry’urubyiruko rw’i Maspero (MYU) ku wa gatandatu ryatangaje ko Amir Ayand yaburiwe irengero ubwo habagaho guhangana kw’iyo mitwe yombi, atwawe n’abavandimwe b’Abayisilamu akaza kuboneka isura ye yahindanye kandi yakubiswe imfunira.

Umwe muri bo wagaragaye apfutse nyuma yo gukomeretswa cyane, yavuze ko bajyanywe ari abasore bari hagati ya 20 na 30, bakubiswe hifashishijwe ibyuma bityaye, inkoni n’ibindi kugeza ubwo amasura ahindana.

Si uyu gusa wavuze iby’iki gikorwa bakorewe kuko n’abandi batangabuhamya na bo bahurije ku bikorwa by’iyicarubozo bakorewe, bose bemeza ko babikorewe n’abavandimwe b’abayisilamu.

Amafoto yakoreshejwe n’abavandimwe b’Abayisilamu yasaga n’ahisha iyicarubozo bakoreye aba basore. Gusa ikibazo gisigaje kubonerwa igisubizo ni ukumenya uwo aba basore bavuga ko yabahohoteye niba ari abavandimwe b’Abayisilamu, imitwe yitwara gisirikare yishyize hamwe cyangwa abashyigiye aba bavandimwe.

Ibi bikorwa by’iyicarubozo bivugwa ku bavandimwe b’abayisilamu bagiye babihakana mu mezi ashize.

Link:http://www.slateafrique.com/122281/les-freres-musulmans-transforment-une-mosquee-en-cellule-de-torture

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO