Kwamamaza
  IGIHE.com

Abanyarwanda 11 bari barashimutiwe muri Congo bagaruwe mu Rwanda

Yanditswe kuya 21-06-2012 saa 10:28' na Maisha Patrick
     


Mu mugoroba wo kuri uyu wa Gatatu tariki ya 20 Kamena 2012, ku mupaka wa Grande Barière uhuza u Rwanda na Repubulika Iharanira Demokarasi ya Congo mu Karere ka Rubavu hageze Abanyarwanda 11 bari barashimutiwe muri Congo.
Aba 11 nibo bazanywe mu Rwanda baturutse muri Repubulika iharanira Demokasi ya congo aho bari barashimuswe n’abasirikari ba congo nk’uko babitangaza bakaba kandi barashinjwaga kuba mu mutwe wa M23 urwanya ubutegetsi bwa Congo.
Twagirimana Faustin umwe mu bari barashimuswe (...)

Mu mugoroba wo kuri uyu wa Gatatu tariki ya 20 Kamena 2012, ku mupaka wa Grande Barière uhuza u Rwanda na Repubulika Iharanira Demokarasi ya Congo mu Karere ka Rubavu hageze Abanyarwanda 11 bari barashimutiwe muri Congo.

Aba 11 nibo bazanywe mu Rwanda baturutse muri Repubulika iharanira Demokasi ya congo aho bari barashimuswe n’abasirikari ba congo nk’uko babitangaza bakaba kandi barashinjwaga kuba mu mutwe wa M23 urwanya ubutegetsi bwa Congo.

Twagirimana Faustin umwe mu bari barashimuswe yavuze ko bafashwe bagiye i Goma bafatwa n’abasirikari babajyana ahitwa kuri T2, aha hakaba hamenyerewe kuba ariho ba maneko ba Congo bakorera mu Mujyi wa Goma mu Ntara ya Kivu y’Amajyaruguru. Agira ati: "Twarakubiswe tugirirwa nabi ngo turi Abanyarwanda bakorana n’ingabo za Bosco Ntaganda”.

Aba banyarwanda bakiriwe n’ubuyobozi bw’u Rwanda. Munyurangabo Alphonse uhagarariye Ibiro by’Abinjira n’Abasohoka mu Karere ka Rubavu yavuze ko ubundi byari bisanzwe kuba Abanyarwanda bahohoterwa, ariko ko ari ubwambere haje abameze batya bahise bajyanwa kwa muganga kuko byagaragaye ko bagiriwe nabi kugira ngo harebwe uburyo bavuzwa.

Aba bantu11 bari baraturutse mu turere twa Rubavu, Nyabihu, Ngororero n’umwe wo mu Mujyi wa Kigali.

Bamwe mu bari barafashwe

Ubwo bagezwaga ku mupaka w’u Rwanda bari bari kumwe na bamwe mu bayobozi ba Congo, ari nayo yari yarabafashe, bamwe bari bamaze igihe kingana n’ukwezi kumwe abandi nabo bagiye bafatwa nyuma mu bihe bitandukanye.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved