Kwamamaza
  IGIHE.com

RD Congo: FLDR irakekwaho kwivugana abantu 11

Yanditswe kuya 12-08-2012 saa 03:01' na Ishimwe Samuel
     


Abantu 11 bishwe kuri uyu wa Gatanu tariki 10 Ukwakira mu gace ka Kashumo kari mu karere ka Kabare ho mu ntara ya Kivu y’Amajyepfo. Ingabo za Repubulika Iharanira Demokarasi ya Congo na Sosiyete sivile, batangaje ko ubu bwicanyi bushobora kuba bwarakozwe n’umutwe wa FDLR.
Ku ruhande rwa FDLR ifite ibirindiro muri ako gace, yahakanye kugira uruhare muri ubu bwicanyi, ivuga ko bwabereye kure y’aho bafite ibirindiro.
Nk’uko byatangajwe na Radio Okapi dukesha iyi nkuru, Abishwe ni abacuruzi (...)

Abantu 11 bishwe kuri uyu wa Gatanu tariki 10 Ukwakira mu gace ka Kashumo kari mu karere ka Kabare ho mu ntara ya Kivu y’Amajyepfo. Ingabo za Repubulika Iharanira Demokarasi ya Congo na Sosiyete sivile, batangaje ko ubu bwicanyi bushobora kuba bwarakozwe n’umutwe wa FDLR.

Ku ruhande rwa FDLR ifite ibirindiro muri ako gace, yahakanye kugira uruhare muri ubu bwicanyi, ivuga ko bwabereye kure y’aho bafite ibirindiro.

Nk’uko byatangajwe na Radio Okapi dukesha iyi nkuru, Abishwe ni abacuruzi bari bagiye mu isoko rya Bitara bavuye ahitwa Kalonge. Abicanyi bafite intwaro za gakondo n’iz’umuriro babaguye gitumo babanza kubambura ibyabo nyuma barabica. Umwe mu barokotse yarakomeretse cyane ubu ari kuvurirwa aharinzwe n’ingabo za Congo.

Ingabo za Congo zakomje gukurikira aba bicanyi bakekwaho kuba ari abo muri FDLR mu ishyamba rigari rya Kahuzi Biega ariko ntibabasha kubafata. Umuyobozi w’ingabo muri ako gace yatangaje ko aho ubwicanyi bwabereye hari urugendo rw’amasaha atatu uvuye ku birindiro byabo, ku buryo batabashije kuhagerera igihe.

Umutwe wa FDLR kandi ukekwaho gushimuta abantu 18 barimo abagore bane n’abana batanu mu ishyamba rya Byonga mu gace ka Mwenga. Naho muri Nyakanga FDLR ubu yiyunze na Maï-Maï Nyatura, bishe abantu 7 bakoresheje intwaro gakondo abandi 7 nabo barakomereka bihagije, mu karere ka Kalehe, nk’uko bitangazwa na Radio Okapi yo muri icyo gihugu.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved