Kwamamaza
  IGIHE.com

Rapp yanyomoje iby’itabwa muri yombi ry’abayobozi bakuru b’u Rwanda

Yanditswe kuya 8-08-2012 saa 23:19' na IGIHE
     


Umuyobozi ushinzwe gukurikirana ibyaha mpuzamahanga muri Leta Zunze Ubumwe z’Amerika, Ambasaderi Stephen Rapp, yanyomoje ibyatangajwe ko yavuze ko abayobozi bakuru b’u Rwanda bashobora gukurikiranwa mu Rukiko Mpuzamahanga Mpanabyaha.
Ibi Ambasaderi Rapp yabivugiye i Arusha muri Tanzaniya, aho yasobanuye ko ibinyamakuru byamubeshyeye, bivuga ko yaba yaratangaje ko abayobozi bakuru b’u Rwanda bashobora gukurikiranwa n’Urukiko Mpuzamahanga Mpanabyaha kubera gufasha inyeshyamba za M23 muri Congo. (...)

Umuyobozi ushinzwe gukurikirana ibyaha mpuzamahanga muri Leta Zunze Ubumwe z’Amerika, Ambasaderi Stephen Rapp, yanyomoje ibyatangajwe ko yavuze ko abayobozi bakuru b’u Rwanda bashobora gukurikiranwa mu Rukiko Mpuzamahanga Mpanabyaha.

Ibi Ambasaderi Rapp yabivugiye i Arusha muri Tanzaniya, aho yasobanuye ko ibinyamakuru byamubeshyeye, bivuga ko yaba yaratangaje ko abayobozi bakuru b’u Rwanda bashobora gukurikiranwa n’Urukiko Mpuzamahanga Mpanabyaha kubera gufasha inyeshyamba za M23 muri Congo.

Ubwo yasuraga Urukiko Mpuzamahanga Mpanabyaha rwashyiriweho u Rwanda ruri Arusha (ICTR), Ambasaderi Rapp yagize ati “Sinigeze nsaba cyangwa mpamagarira urubanza urwo ari rwo rwose kuri iki kibazo.”

Uru rujijo rwaba rwaratewe n’ikinyamakuru The Guardian ubwo cyavangaga ibyo Ambasaderi Rapp yavuze kuri Charles Taylor wahoze ayobora Liberia wakatiwe n’uru Rukiko Mpuzamahanga Mpanabyaha imyaka 50 y’igifungo kubwo gufasha inyeshyamba muri Sierra Leone.

Gusa Ambasaderi Rapp yagaragaje ko ari ngombwa gukurikirana abakora ibyaha byibasira inyokomuntu, ati “Leta Zunze Ubumwe z’Amerika ziri mo gukora cyane mu guhagarika ihohoterwa, kandi ibi birimo kugerwaho binyuze mu gufunga inkunga zose ziturutse hanze zigenewe izi nyeshyamba ndetse no gusenya burundu iyi mitwe no kurinda abaturage n’uburenganzira bwabo bwa muntu.”

Ikinyamakuru The Guardian nicyo cyari cyanditse inkuru ivuga ko Abayobozi b’u Rwanda bashinjwe gukorana na M23 bashobora gushyikirizwa Urukiko Mpuzamahanga Mpanabyaha.

Uru rukiko rwahise rusohora itangazo rivuga ko rutarimo gukurikirana Umuyobozi w’u Rwanda uwo ari we wese, ahubwo ko rwitaye kuri Gen. Bosco Ntaganda.

Phakiso Mochochoko, Umuyobozi w’ubucamanza bw’Urukiko Mpuzamahanga Mpanabyaha nawe nyuma yaje gutangaza ko ntacyo ruri gukurikirana ku Rwanda, cyane ko rutasinye n’amasezerano arushyiraho.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved