Kwamamaza
  IGIHE.com

Leta Zunze Ubumwe z’Amerika ziri kurushaho gukaza ubutasi muri Afurika

Yanditswe kuya 17-06-2012 saa 08:34' na Jotham Ntirenganya
     


Leta Zunze Ubumwe z’Amerika ziri kurushaho kongera ibikorwa byazo by’ubutasi zibanda cyane mu duce dusa n’utwihishe, by’umwihariko muri Afurika y’Uburasirazuba, nk’uko ikinyamakuru cyo muri icyo gihugu giherutse kubitangaza.
Ikinyamakuru The Washington Post cyagize kiti: “Ingabo z’Amerika ziri kwagura ibikorwa by’ubutasi cyane ahantu hasa n’ahihishe ku mugabane w’Afurika, mu rwego rwo kuneka Al-Qaeda ndetse n’indi mitwe yitwaza ibirwanisho, kandi izi ngabo zimaze kunyanyagira mu duce dutandukanye (...)

Leta Zunze Ubumwe z’Amerika ziri kurushaho kongera ibikorwa byazo by’ubutasi zibanda cyane mu duce dusa n’utwihishe, by’umwihariko muri Afurika y’Uburasirazuba, nk’uko ikinyamakuru cyo muri icyo gihugu giherutse kubitangaza.

Ikinyamakuru The Washington Post cyagize kiti: “Ingabo z’Amerika ziri kwagura ibikorwa by’ubutasi cyane ahantu hasa n’ahihishe ku mugabane w’Afurika, mu rwego rwo kuneka Al-Qaeda ndetse n’indi mitwe yitwaza ibirwanisho, kandi izi ngabo zimaze kunyanyagira mu duce dutandukanye tw’Afurika, henshi zikora mu ibanga”.

Iki kinyamakuru kivuga ko ubutasi bukorwa n’utudege duto two mu bwoko bwa drone, izi ndege zikaba ngo ziruka ibirometero byinshi cyane mu kanya gato, aho zishobora kugendera mu kirere cyangwa zegereye ubutaka.

Iyi gahunda y’ubutasi yatangiye mu mwaka wa 2007, ikorwa cyane n’umutwe w’ingabo zidasanzwe, ndetse n’abashinzwe kuneka bagiye bakora ibikorwa bitandukanye, kuva aho Al-Qaeda itangije intambara.

Ibirindiro by’ingabo z’Amerika biba muri Burkina Faso no muri Mauritania bishinzwe kuneka ingabo z’umutwe wa Al-Qaeda ziba mu gace ka Maghreb, naho ibirindiro biri mu gihugu cya Uganda ingabo ziriyo zishinzwe kuneka Kony n’ingabo ze zigize umutwe witwa LRA (Lord’s Resistance Army).

Uyu Kony nawe akaba ashakishwa n’urukiko mpuzamahanga mpanabyaha ku byaha byibasiye inyokomuntu.

Amakuru aravugako Amerika ifite umugambi wo gushinga ibindi birindiro muri Sudani y’Amajyepfo, kugirango ifate Kony, uvugwaho gukorera ibyaha by’intambara mu gihugu cya Centrafrique.

Amerika ikunze kuneka ibikorwa by’ingabo za Al-Qaeda zo muri Mali, ndetse no mu bindi bihugu nka Djibouti, Ethiopia, Kenya na Seychelles; kandi kugeza ubu bivugwa ko ibikorwa byo guhiga bamwe mu bashakishwa n’inkiko.

Gusa hari n’ibirindiro bikomeje kuba ubwiru kuburyo ubu bitabasha kumenyekana, ikinyamakuru The Washington Post dukesha iyi nkuru kivuga ko ibi birindiro bishobora kuba biri muri Ouagadougou, cyane mu duce dukunze kubamo abayisilamu.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved