Ethiopia : Minisitiri w’Intebe Meles Zenawi yishwe n’uburwayi

Yanditswe na Samuel Ishimwe
Kuya 21 Kanama 2012 saa 01:36
Yasuwe :
0 0

Meles Zenawi wari Minisitiri w’intebe wa Ethiopia yitabye Imana ku myaka 57 azize uburwayi, nyuma y’ibyumweru byinshi havugwa ibihuha ku rupfu rwe.
Nk’uko byatangajwe na BBC dukesha iyi nkuru, Zenawi yahise asimburwa ku mirimo ye na Hailemariam Desalegn wari Minisitiri w’ububanyi n’amahanga.
Televiziyo imwe yo muri Ethiopia yagize icyo ivuga ku rupfu rwa Zenawi igira iti “N’ubwo Ethiopia yahungabanijwe no kubura umuyobozi wayo ukomeye, Minisitiri w’intebe Meles Zenawi yashyizeho politiki (...)

Meles Zenawi wari Minisitiri w’intebe wa Ethiopia yitabye Imana ku myaka 57 azize uburwayi, nyuma y’ibyumweru byinshi havugwa ibihuha ku rupfu rwe.

Nk’uko byatangajwe na BBC dukesha iyi nkuru, Zenawi yahise asimburwa ku mirimo ye na Hailemariam Desalegn wari Minisitiri w’ububanyi n’amahanga.

Televiziyo imwe yo muri Ethiopia yagize icyo ivuga ku rupfu rwa Zenawi igira iti “N’ubwo Ethiopia yahungabanijwe no kubura umuyobozi wayo ukomeye, Minisitiri w’intebe Meles Zenawi yashyizeho politiki n’imikorere zizakomeza gushyigikirwa.”

Mu byumweru bishize ubwo hari ibihuha ko Melez Zenawi yapfuye, Umuvugizi wa Leta ya Ethiopia yabwiye BBC ko ari mu buzima bwiza kandi ari kugenda akira.

Kugeza ubu Umuvugizi wa Leta ya Ethiopia yirinze kugira icyo atangaza ku ndwara yishe Meles Zenawi, ariko hari amakuru yavugaga ko yababaraga mu nda.

Meles Zenawi yambwikwa na Perezida Kagame imidari y'"Uruti" n'"Umurinzi" kubw'uruhare rwe mu rugamba rwo kubohora u Rwanda

Meles Zenawi yafashe ubutegetsi mu 1991 ayoboye umutwe w’inyeshyamba zakuyeho ubutegetsi bw’Abakomunisiti bwari buyobowe na Mengistu Haile Mariam.

Yabaye Perezida wa Ethiopia kuva mu 1991 kugeza mu 1995, nyuma y’aho aba Minisitiri w’intebe kugeza apfuye. Zenawi kandi yayoboye ishyaka riri ku butegetsi rya Tigrayan Peoples’ Liberation Front(TPLF) kuva mu 1985.

Zenawi ni umwe mu bakuru b’ibihugu bari bafitanye umubano mwiza n’u Rwanda, dore ko mu mwaka wa 2009 ubwo hizihizwaga umunsi wo kwibohora, yahawe imidari y’ishimwe irimo “Uruti” ruhabwa abagize uruhare mu rugamba rwo kubohora u Rwanda ndetse n’”Umurinzi” nk’uwagize uruhare mu kurwanya Jenoside.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza