Kwamamaza
  IGIHE.com

Bwa mbere muri Afurika hatashywe uruganda rukora imiti igabanya agakoko gatera Sida

Yanditswe kuya 22-07-2012 saa 14:39' na Abdou Nyampeta
     


Kuri uyu wa Gatandatu tariki ya 21 Nyakanga 2012, i Maputo mu murwa Mukuru wa Mozambique hatashwe ku mugaragaro Uruganda rwa mbere ku Mugabane w’Afurika rukora imiti igabanya ubukana bw’agakoko gatera Sida.
Amakuru dukesha Ibiro Ntaramakuru by’u Bufaransa AFP, avuga ko uwo muhango witabiriwe na Michel Temer, Visi Perezida wa Brésil, igihugu cyateye inkunga umushinga wo kubaka urwo ruganda.
Muri uwo muhango Michel Temer yagize ati ’’Uyu munsi twitabiriye umuhango wo gutangiza ku mugaragaro uru (...)

Kuri uyu wa Gatandatu tariki ya 21 Nyakanga 2012, i Maputo mu murwa Mukuru wa Mozambique hatashwe ku mugaragaro Uruganda rwa mbere ku Mugabane w’Afurika rukora imiti igabanya ubukana bw’agakoko gatera Sida.

Amakuru dukesha Ibiro Ntaramakuru by’u Bufaransa AFP, avuga ko uwo muhango witabiriwe na Michel Temer, Visi Perezida wa Brésil, igihugu cyateye inkunga umushinga wo kubaka urwo ruganda.

Muri uwo muhango Michel Temer yagize ati ’’Uyu munsi twitabiriye umuhango wo gutangiza ku mugaragaro uru ruganda. Imiti yakorerwaga muri Brésil izajya ikorerwa hano, ihabwe ubuzirangenge bityo igezwe ku bene gihugu’’.

Imirimo yo gutangira kubaka urwo ruganda, yatangijwe mu w’i 2012 na Luiz Inacio Lula da Silva wahoze ari Perezida wa Brésil mu rwego rwo gushimangira ubufatanye hagati y’abaturage ba Brésil na Mozambique.

Urwo ruganda rwatewe inkunga n’igihugu cya Brésil ingana na miliyoni 23 z’Amadolari y’Abanyamerika na miliyoni 4 n’igice n’uruganda rw’abanya Brésil rwitwa ‘’Vale’’ rucukura amabuye y’agaciro muri icyo gihugu.

Abatekinisiye bo muri Mozambique ubu barahugurirwa muri Brésil. Biteganijwe ko ibinini bya mbere bizaboneka mu mpera z’uyu mwaka.
Muri uwo muhango, Leta ya Mozambique yari ihagarariwe na Armando Inroga, Minisitiri w’Inganda.

Igihugu cya Mozambique gifite abaturage banduye agakoko gatera Sida bagera kuri miliyoni 2 n’igice ni ukuvuga 12% ry’abaturage bose b’icyo gihugu, ibihumbi 291 nibo bonyine bafite amahirwe yo kubona imiti igabanya ubukana bw ‘agakoko gatera Sida, nk’uko bitangazwa na Minisiteri y’Ubuzima yo muri icyo gihugu.

Impamvu yo kubaka urwo ruganda, ni mu rwego rwo kugabanya itumizwa hanze ry’iyo miti ryari ku kigereranyo cya 80 %.

Muri Afurika, amatsinda y’abikorera agurisha imiti yishyiriyeho udushami dukora imiti igabanya ubukana bw’agakoko gatera Sida, ariko uruganda rwa Mozambique ni rwo rwa mbere rushyizweho mu rwego rwa za Leta.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved