Zimbabwe: ZANU-PF yatsindiye imyanya myinshi mu Nteko Ishinga Amategeko

Yanditswe na Akayezu Jean de Dieu
Kuya 1 Kanama 2018 saa 03:59
Yasuwe :
0 0

Ibarura ry’amajwi y’agateganyo ku byavuye mu matora y’Abagize Inteko Ishinga Amategeko muri Zimbabawe, ryagaragae ko Ishyaka ZANU-PF riri ku butegetsi riza imbere mu kugira imyanya myinshi y’abagomba kwicara mu Nteko.

Komisiyo y’Amatora muri iki gihugu yagaragaje ko iri shyaka riyobowe na Perezida Emmerson Mnangagwa, ryatsindiye imyanya irenga 109 muri 210 ihatanirwa n’abagize Inteko Ishinga Amategeko.

Ishyaka ritavuga rumwe n’ubutegetsi MDC (Movement of Democratic Change) ku munsi w’ejo ryari ryatangaje ko ryizeye gutsinda aya matora ubu ryabonye imyanya 41.

BBC yatangaje ko kuri uyu wa Gatatu aribwo abagize itsinda ry’indorerezi baza gutanga raporo igaragaza uburyo aya matora y’abadepite yagenze muri Zimbabwe.

Aya matora abaye muri Zimbabwe niyo ya mbere nyuma y’uko umukambwe Robert Mugabe avanywe ku butegetsi agasimburwa na Emmerson Mnangagwa mu Ugushyingo 2017, bikaba byaranavuzwe ko Mugabe yanze gushyigikira uyu wamusimbuye.

Imibare igaragaza ko aya matora yitabiriwe n’abagera kuri 70% by’abari bitezwe ko bazatora.

Ishyaka Zanu-PF rya Perezida Mnangagwa ryatsindiye imyanya myinshi mu Nteko Ishinga amategeko

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza