Zimbabwe yirukanye abaganga bazira kwigaragambya

Yanditswe na IGIHE
Kuya 22 Ugushyingo 2019 saa 12:33
Yasuwe :
0 0

Guverinoma ya Zimbabwe kuri uyu wa Kane yatangaje ko yirukanye abaganga 435 bakoraga mu bitaro bya Leta bazira kujya mu myigaragambyo itemewe.

Abaganga muri icyo gihugu batangiye kwigaragambya muri Nzeri basaba kongezwa umushahara no kuvugururirwa uburyo bw’imikorere.

Mu kwezi gushize, urukiko rw’umurimo rwanzuye ko iyo myigaragambyo iri gukorwa mu buryo bunyuranyije n’amategeko ariko abaganga babirenzeho bakomeza kwigaragambya bisubiza inyuma serivisi z’ubuvuzi mu bitaro bya Leta.

Urwego rushinzwe serivisi z’ubuzima muri icyo gihugu rwatangaje ko rwashyikirijwe ibirego 45 bijyanye n’imyitwarire y’abaganga rugomba gusuzuma vuba aha, nkuko Xhinua yabitangaje.

Minisitiri w’agateganyo w’itumanaho, Mangaliso Ndlovu yavuze ko guverinoma yakomeje kwingingira abaganga ko bareka imyigaragambyo bakayoboka inzira y’ibiganiro ariko ntibabyemeye.

Yavuze ko kubirukana ari wo mwanzuro wa nyuma wari usigaye.

Mu cyumweru gishize, abandi baganga bagera kuri 200 barirukanywe nkuko Aljazeera yabitangaje.

Guverinoma ya Zimbabwe kuri uyu wa Kane yatangaje ko yirukanye abaganga 435 bakoraga mu bitaro bya Leta

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza