Kwamamaza

Zimbabwe: Polisi yahagaritse imyigaragambyo yamagana Perezida Mugabe

Yanditswe kuya 14-09-2016 saa 08:54' na Philbert Hagengimana


Polisi yo muri Zimbabwe yatangaje ko uzahirahira akigaragambya mu buryo ubwo ari bwo bwose cyane cyane yamagana Perezida Robert Mugabe kuva kuwa 16 Nzeri kugeza kuwa 15 Ukwakira uyu mwaka, azahakura imbwa yiruka.

Kuwa Kabiri tariki ya 13 Nzeri 2016, ari bwo Polisi yashyize ahagaragara itangazo rihagarika imyigaragambyo mu Mujyi wa Harare, cyane cyane iyamagana Perezida Mugabe.

Umuyobozi Mukuru wa Polisi, Newbert Saunyama yavuze ko icyo cyemezo kireba “Abateganya imyigaragambyo iyo ari yo yose mu gihe cy’ukwezi hagati y’itariki ya 16 Nzeri n’iya 15 Ukwakira.”

Amasaha make mbere y’uko iryo tangazo rishyirwa ahagaragara, ihuriro ry’amashyaka atavuga rumwe n’ubutegetsi arangajwe imbere n’Ishyaka riharanira impinduka na demukarasi (MDC) ryari ryatangaje ko rizakora imyigaragambyo mu gihugu hose ku itariki ya 17 Nzeri.

Ikinyamakuru Le Monde dukesha iyi nkuru gitangaza ko hashize iminsi muri Zimbabwe abaturage birara mu mihanda mu myigaragambyo, bamagana ubutegetsi bwa Robert Mugabe, Perezida w’icyo gihugu kuva mu 1980, bakanavuga ko abategekesha igituku.

Uwo mukwambwe uruta abandi bakuru b’ibihugu bose ku Isi mu myaka, aherutse gutangaza ko imyigaragambyo yose izaba muri Zimbabwe, izaburizwamo cyangwa igahoshwa ku ngufu.
Abatavuga rumwe n’ubutegetsi bo bavuga ko batazigera baha agaciro ibyo kuko binanyuranyije n’Itegeko Nshinga.

Mu ntangiriro z’uku kwezi, Polisi yari yasohoye irindi tangazo rihagarika imyigaragambyo cyangwa andi materaniro y’abantu benshi mu mihanda kugeza ku itariki ya 16 Nzeri, ari na cyo cyari cyatumye abatavuga rumwe n’ubutegetsi bafata itariki ya 17 nk’iyo kwigaragambya mu gihugu hose.

Abo baturage bamaze igihe bigaragambya bamagana izahara ry’ubukungu bwa Zimbabwe cyane cyane ku butegetsi bwa Perezida Robert Mugabe.

Uyu mukambwe w’imyaka 92 we avuga ko icyemezo cyo kwambura abazungu ibikingi akabiha abaturage ba Zimbabwe abereye Perezida, ari cyo cyatumye barushaho gutiza umurindi abatavuga rumwe n’ubutegetsi ngo bakomeze kubuza abaturage umudendezo.

Amatora ataha y’Umukuru w’Igihugu muri Zimbabwe ateganyijwe mu 2018, Perezida Mugabe akaba ashobora kuzongera akiyamamaza.

Ubushomeri mu gihugu ni imwe mu mpamvu zituma abanya-Zimbabwe bigaragambya

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved