Zimbabwe: Minisitiri w’Ububanyi n’Amahanga yahitanywe na Covid-19

Yanditswe na Muhonzire Sylvine
Kuya 20 Mutarama 2021 saa 12:25
Yasuwe :
0 0

Minisitiri w’Ububanyi n’Amahanga hamwe n’Ubucuruzi muri Zimbabwe, Sibusiso Moyo, wari umwe mu basirikare bakuru bagize uruhare mu ihirikwa rya Perezida Robert Mugabe, yapfuye azize Covid-19 ku myaka 61.

Amakuru y’urupfu rwa Minisitiri SB Moyo yemejwe kuri uyu wa Gatatu n’itangazo ryavuye mu Biro bya Perezida wa Zimbabwe, Emmerson Mnangagwa, aho yatangaje ko ababajwe no kumenyesha abantu ko Minisitiri SB Moyo yitabye Imana azize icyorezo cya Covid-19 mu bitaro byo mu gihugu.

Moyo yagizwe Minisitiri w’Ububanyi n’Amahanga na Perezida Mnangagwa nyuma gato y’ihirikwa rya Robert Mugabe mu Ugushyingo 2017, nyuma ahita asezererwa mu gisirikare.

Minisitiri Moyo abaye Minisitiri wa gatatu uhitanywe n’icyorezo cya Coronavirus muri icyo gihugu nyuma y’abandi babiri bishwe nayo barimo Minisitiri wa Leta mu Ntara ya Manicaland, Dr Ellen Gwaradzimba, wapfuye mu cyumweru gishize afite imyaka 60 hamwe na Minisitiri w’Ubuhinzi, Perrance Shiri, wapfuye mu mwaka ushize.

Zimbabwe ikomeje kwibasirwa n’iki cyorezo aho ku munsi w’ejo gusa Covid-19 yahitanye abantu 52.

Minisitiri w’Ububanyi n’Amahanga muri Zimbabwe, Sibusiso Moyo, yahitanywe na Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .