Zimbabwe: Chamisa utemera ibyavuye mu matora ya perezida agiye kwitabaza inkiko

Yanditswe na Mukaneza M.Ange
Kuya 9 Kanama 2018 saa 10:19
Yasuwe :
0 0

Nyuma yo gutsindwa mu matora ya perezida wa Zimbabwe, Nelson Chamisa utavuga rumwe n’ubutegetsi yatangiye gukusanya ibimenyetso azageza mu nkiko agaragaza ko habayemo uburiganya bwatumye Emmerson Mnangagwa agera ku ntsinzi.

Ku itariki 30 Nyakanga nibwo muri Zimbabwe habaye amatora ya mbere y’umukuru w’igihugu mu bahatana hatarimo Robert Mugabe wabaye perezida wa Zimbabwe kuva yabona ubwigenge.

Mnangagwa wari usanzwe ayobora iki gihugu mu gihe cy’inzibacyuho niwe watowe ku majwi 50.8%, mu gihe Chamisa ukuriye ishyaka MDC yagize 44.3%.

Nk’uko The EastAfrican yabyanditse, Chamisa avuga ko muri aya matora habayemo kwiba amajwi ndetse n’andi makosa ya Komisiyo y’Amatora ya Zimbabwe (ZEC).

Umunyamategeko wa MDC, Thabani Mpofu, kuri uyu wa Gatatu yatangaje ko iri shyaka ryitabaje itsinda ry’abavoka bazaryunganira mu rubanza.

Ishyaka MDC kandi rinashinja igisirikare guhiga abayobozi n’abayoboke baryo mu rwego rwo kubazitira kugira ngo iki kirego kirebana n’amatora kitagera mu rukiko.

Mpofu yagize ati “Itsinda ryanjye rikomeje guterwa ubwoba, ariko ntabwo tubatinya, twishimiye kugana urukiko rurengera Itegeko Nshinga kabone nubwo twaba dutegereje urupfu cyangwa turi muri gereza.”

Ibi iri shyaka ryabitangaje mu gihe mu masaha ya mu gitondo Tendai Biti uri mu bayobozi baryo bakuru yafatiwe ku mupaka ashaka guhungira muri Zambia. Ashinjwa kuba intandaro y’imvururu zakomotse ku makuru yavugaga ko MDC ariyo yegukanye intsinzi mbere y’uko Komisiyo y’amatora itangaza amajwi, zikagwamo abantu batandatu.

Nubwo MDC ivuga ko ifite ibimenyetso bikomeye bizavugurza ibyavuye mu matora, ishyaka Zanu-PF riri ku butegetsi naryo ryemeza ko ryiteguye kuburana aho rizifashisha abanyamategko 12.

Itegeko rigenga amatora muri Zimbabwe riteganya ko Urukiko rushinzwe kurengera Itegeko Nshinga rugomba gufata umwanzuro ku busabe n’ibirego byose birabana n’amatora mu gihe kitarenze iminsi 14.

Ibi bivuze ko Mnangagwa wagombaga kurahira tariki ya 12 Kanama azabanza gutegereza umwanzuro w’urukiko ku birebana n’intsinzi ye.

Nelson Chamisa utavuga rumwe n'ubutegetsi agiye kwitabaza inkiko

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza