00:00:00 IGIHE NETWORK KN KINYARWANDA EN ENGLISH FR FRANCAIS

Zimbabwe: Ikibazo cy’umukobwa w’imyaka 14 wapfuye abyara cyateye impagaraga

Yanditswe na Bukuru JC
Kuya 9 Kanama 2021 saa 07:35
Yasuwe :
0 0

Abaharanira uburenganzira bw’abagore, amatsinda y’abatavuga rumwe n’ubutegetsi n’imiryango ishamikiye kuri Loni bari gushyira igitutu ku butegetsi bwa Zimbawe ngo ifate umugabo washakanye n’umukobwa w’imyaka 14, wapfuye mu cyumweru gishize azize inda aho yabyariye mu rusengero.

Abahagarariye Umuryango w’Abibumbye muri Zimbabwe batangaje ko bahangayikishijwe cyane kandi bamaganye byimazeyo ibikorwa byateye urupfu rutunguranye rwa Memory Machaya w’imyaka 14.

Uyu mukobwa ukomoka mu gace ka Marange, yapfuye abyara bikaba bifitanye isano n’uko yatwaye inda akiri muto.

Loni ivuga ko kimwe mu bizaca umuco wo gushyingira abakobwa bakiri bato ari ugushyiraho amategeko afata gushyingirwa kw’abangavu nk’icyaha gihanwa.
Umwe mu bayobozi b’abatavuga rumwe n’ubutegetsi muri Zimbabwe, Linda Tsungirirai Masarira, ari mu bihumbi by’abasinye inyandiko isaba ko polisi itakwirengagiza urupfu rwa Machaya.

Hagati aho Polisi ya Zimbabwe yatangaje ko iri gukora iperereza kuri iki kibazo nk’uko inkuru y’Ijwi rya Amerika ibivuga.

Abakobwa bashaka bakiri bato mu bihugu bimwe na bimwe bya Afurika harimo na Zimbabwe bibagiraho ingaruka zitandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .