Zambia: Abapolisikazi babujijwe kongera kwambara impenure mu kazi

Yanditswe na Bukuru JC
Kuya 30 Ukwakira 2019 saa 03:59
Yasuwe :
0 0

Abapolisi b’igitsinagore muri Zambia bategetswe guhagarika kwambara amajipo magufi mu gihe bari mu kazi mu rwego rwo kubahiriza amahame agenga umwuga wabo.

Byatangajwe n’Umuyobozi wungirije muri Polisi ya Zambia ushinzwe Amategeko n’Amahame y’Umwuga, Charity Chanda kuri uyu wa Kabiri.

Chanda yavuze ko hari amabwiriza y’ingano ntarengwa amajipo y’abapolisi agomba kuba afite ariko ngo bakomeje kwakira ibirego by’abaturage bashinja abapolisikazi kwambara impenure.

Yagize ati “Niba uri umupolisikazi, ijipo yawe ireshya ite? Twakunze kubona abapolisikazi benshi bambara impenure nk’aho ari umwambaro w’akazi.”

Yavuze ko bakwiriye kwitara neza n’iyo ababakuriye baba batabareba kuko kunyuranya n’ibyo amabwiriza avuga ngo bizabashyira mu bibazo.

Chanda yavuze ko batifuza gukomeza kwakira ibirego by’abaturage ku bapolisikazi bambaye impenure nkuko ikinyamakuru Zambia Daily Mail cyabitangaje.

Zambia ni kimwe mu bihugu bifite abapolisikazi bambara amajipo mu kazi.

Abapolisi b’igitsinagore muri Zambia bategetswe guhagarika kwambara amajipo magufi mu gihe bari mu kazi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza