Visi Perezida wa Zanzibar yapfuye

Yanditswe na IGIHE
Kuya 17 Gashyantare 2021 saa 07:46
Yasuwe :
0 0

Leta ya Tanzania yatangaje ko Visi Perezida wa Mbere wa Zanzibar, Maalim Seif Sharif Hamad, yitabye Imana.

Inkuru y’urupfu rwa Maalim Seif Sharif Hamad yatangajwe kuri uyu wa mbere; ni nyuma y’uko ku wa 9 Gashyantare yari yajyanywe mu bitaro.

Nubwo Maalim Seif Sharif Hamad yajyanywe mu bitaro nyuma y’uko yanduye icyorezo cya COVID-19 mu itangazo Perezidansi ya Tanzania yashyize hanze ntiyigeze ivuga ko ariyo yamwishe.

Mu bihanganishije Abanya-Zanzibar harimo na Perezida wa Tanzania, Dr John Pombe Magufuli.

Abinyujije kuri Twitter yagize ati “Nakiriye amakuru mabi ajyanye n’urupfu rwa Visi Perezida wa Mbere wa Zanzibar, Maalim Seif Sharif Hamad, ndihanganisha Perezida wa Zanzibar, Dr. Mwinyi n’imiryango y’Abanya-Zanzibar, abayoboke b’Ishyaka ACT-Wazalendo n’Abanya-Tanzania bose. Aruhukire mu mahoro.”

Kugeza ubu ubuyobozi bwa Zanzibar bwatangaje ko bwashyizeho iminsi irindwi yo kunamira uyu mugabo.

Visi Perezida wa Mbere wa Zanzibar, Maalim Seif Sharif Hamad, yitabye Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .