Visi Perezida wa Zanzibar yanduye COVID-19

Yanditswe na IGIHE
Kuya 1 Gashyantare 2021 saa 10:38
Yasuwe :
0 0

Visi Perezida wa Mbere w’Ibirwa bya Zanzibar muri Tanzania, Maalim Seif Sharif Hamad, yatangaje ko yanduye icyorezo cya COVID-19 kuri ubu akaba ari mu bitaro aho ari kwitabwaho n’abaganga.

Amakuru y’uko Maalim Seif Sharif Hamad yanduye COVID-19 yatangiye gucicikana muri Tanzania ku mugoroba wo ku wa 31 Mutarama.

Amakuru dukesha The Citizen avuga ko uyu mugabo yaje kwiyemerera koko ko yanduye iki cyorezo abinyujije mu butumwa bugufi bugira buti "Ni ukuri ndi mu bitaro bya Mnazi Mmoja aho ndi kuvurirwa COVID-19, umugore wanjye na we yishyize mu kato mu rugo".

Kuva ku wa 29 Mata 2020 Maalim Seif Sharif Hamad abaye umuntu wa mbere muri Tanzania wongeye gutangaza ko yanduye COVID-19 kuko kuva iki gihe Leta y’iki gihugu itongeye gutangaza ko hari umuntu n’umwe wanduye ahubwo ikemeza ko yamaze guhashya iki cyorezo.

Visi Perezida wa Mbere wa Zanzibar, Maalim Seif Sharif Hamad yanduye COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .