Uwunganira Moїse Katumbi yavuze ko Urukiko rw’ikirenga rudafite ububasha bwo kumuburanisha

Yanditswe na Ferdinand Maniraguha
Kuya 10 Ukwakira 2018 saa 03:23
Yasuwe :
0 0

Umunyamategeko wa Moїse Katumbi yavuze ko Urukiko rw’Ikirenga muri Repuburika Iharanira Demokarasi ya Congo nta bubasha rufite bwo kuburanisha umukiliya we ku byaha byo kwinjiza abacanshuro mu gihugu.

Me Eric Dupond Moretti yavuze ko ibyo Katumbi ashinjwa bishingiye kuri politiki, Leta ikaba iri gukoresha ubutabera mu nyungu zayo.

Katumbi wahoze ari Guverineri w’Intara ya Katanga ashinjwa kuvogera ubusugire bw’igihugu, akinjiza abacanshuro mu gihugu ngo bahungabanye ubutegetsi.

Uyu mugabo umaze imyaka ibiri mu buhungiro kuri uyu wa Gatatu tariki 10 Ukwakira nibwo yagombaga kugera imbere y’ubutabera ngo yisobanure kuri ibyo byaha nyuma y’uko urubanza rusubitswe muri Kamena uyu mwaka.

Dupond wunganira Katumbi kuri uyu wa Kabiri yabwiye Jeune Afrique ko Urukiko rw’ikirenga atari rwo rwagombaga kubanza kwakira icyo kirego mu gihe hari izindi nkiko zo hasi kandi zibifitiye ububasha.

Yavuze ko urukiko ruri gukoreshwa na Leta, abishingiye ku kuba Katumbi yarandikiye Minisiteri y’ububanyi n’amahanga ayisaba pasiporo yo kwinjira mu gihugu ikanga kumusubiza.

Dupond yavuze ko nta butabera bizeye muri uru rubanza nubwo yashimangiye ko bazitaba urukiko bakiregura.

Katumbi amaze imyaka ibiri mu buhungiro. Yashatse kwinjira mu gihugu muri Nyakanga uyu mwaka ngo yiyamamarize kuyobora Congo arangirwa.

Moїse Katumbi amaze imyaka ibiri mu buhungiro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza