00:00:00 IGIHE NETWORK KN KINYARWANDA EN ENGLISH FR FRANCAIS

Uwakwirakwije ko Museveni yapfuye yafatiwe muri Turikiya

Yanditswe na Muhonzire Sylvine
Kuya 5 Kanama 2021 saa 03:29
Yasuwe :
0 0

Fred Lumbuye, Umunya-Uganda ukekwaho kuba ari inyuma y’amakuru yakwirakwijwe ku mbuga nkoranyambaga y’uko Perezida wa Uganda, Yoweri Kaguta Museveni yapfuye yishwe na Covid-19, yatawe muri yombi muri Turikiya aho yari atuye.

Yafashwe ku wa Kabiri tariki 3 Kanama 2021.

Uyu mugabo wabitse Perezida Museveni ari muzima, bivugwa ko ari umuyoboke w’ishyaka ritavuga rumwe n’ubutegetsi bwa Uganda, National Unity Platform (NUP), rya Robert Kyagulanyi uzwi nka Bobi Wine.

Africa Nation ivuga ko Lumbuye yakwirakwije ayo makuru nyuma y’uko yari aherutse kubika umwami wa Buganda, Ronald Muwenda Mutebi, avuga ko yapfuye kandi ari muzima.

Iby’uko Museveni yitabye Imana byakwirakwijwe ku mbuga nkoranyambaga hagati ya Kamena na Nyakanga uyu mwaka, byavugaga ko nyuma y’urupfu rwe, igisirikare cy’iki gihugu kiri gutegura uko azasimburwa.

Nyuma yuko Perezida Museveni agaragaye mu ruhame ahitwa Munyonyo na Bombo, ibihuha byarakomeje bivuga ko yitabye Imana, biramurakaza cyane maze ku itariki 8 Kamena ategeka inzego z’ubutasi z’iki gihugu guhiga abantu bose bakoresha imbuga nkoranyambaga bavuga ko we n’abandi bo mu muryango we bapfuye.

Gusa abayoboke ba NUP bavuga ko gufungwa kwe byakozwe na ambasade ya Uganda muri Turikiya ngo kuko nta mubano uhambaye uri hagati y’ibihugu byombi watuma iki gihugu gifunga uyu mugabo.

Minisitiri wa Leta muri Minisiteri y’Ubabanyi n’amahanga wa Uganda, Okello Oryem yabwiye abanyamakuru ko Lumbuye agomba kuryozwa ibyo yakoze kuko atari hejuru y’amategeko.

Leta ya Uganda ivuga ko igiye gukomeza gushakisha uruhindu abantu bose bakoresha imbuga nkoranyambaga basakaza amakuru y’ibinyoma aho baba bari hose ku Isi.

Lumbuye yafatiwe muri Turikiya aho yari asanzwe aba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .