00:00:00 IGIHE NETWORK KN KINYARWANDA EN ENGLISH FR FRANCAIS

USA: Umugore yafatiwe ku ngufu muri gariyamoshi abagenzi barebera

Yanditswe na Bukuru JC
Kuya 21 Ukwakira 2021 saa 12:55
Yasuwe :
0 0

Polisi yo mu mujyi wa Philadelphia muri Leta Zunze Ubumwe za Amerika, yataye muri yombi umugabo w’imyaka 35 ukekwaho gufatira ku ngufu umugore muri gariyamoshi, mu gihe abagenzi barimo bamurebera banamufata amashusho aho kumutabara.

CNN yatangaje ko byabaye ku wa Gatatu w’icyumweru gishize mu masaha y’ijoro.

Ikigo gishinzwe gutwara abantu n’ibintu mu Burasirazuba bw’Amajyepfo ya Pennsylvania aho icyaha cyabereye, cyavuze ko umukozi umwe w’ahantu iyo gariyamoshi yanyuze ari we wahamagaye Polisi atabariza uwo mugore, mu gihe abo bari kumwe imbere muri gariyamoshi bo bari bamwihoreye ahubwo bari kumufata amashusho.

Icyo kigo cyatangaje ko iyo haza kubaho gutabariza uwo mugore hakiri kare, icyaha cyari gukumirwa kitaraba cyangwa kitaramara igihe kinini.

Polisi imaze kwakira intabaza, yahise itabara bwangu ihagera mu minota itatu, uwo mugabo atabwa muri yombi.

Yagejejwe mu rukiko bukeye bwaho ku wa Kane akurikiranweho ibyaha birimo gufatira ku ngufu umugore mu ruhame.

Polisi yatangaje ko iperereza ry’ibanze rigaragaraza ko uwo mugabo n’umugore yafashe ku ngufu batari basanzwe baziranye, bari bahuriye muri gariyamoshi.

Umuturage wabonye ibiri kuba gariyamoshi imunyuzeho niwe wamenyesheje Polisi ko hari umugenzi uri gufatwa ku ngufu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .