Kwamamaza

Urukiko rwateye utwatsi ibyo kwirukana u Burundi muri EAC

Yanditswe kuya 2-10-2016 saa 11:07' na Niyonsenga Schadrack


Urukiko rw’Umuryango wa Afurika y’u Burasirazuba rwatesheje agaciro ikirego cy’ihuriro ry’imiryango itegamiye kuri leta muri aka karere cyasabaga ko u Burundi buhagarikwa cyangwa bwirukanwa muri EAC bitewe n’uko ngo bwishe amabwiriza yawo bwemerera Perezida Nkurunziza kwiyamamariza manda ya gatatu yaje no gutorerwa.

Ku wa Kane w’iki cyumweru tariki 29 Nzeri 2016, ni bwo Urukiko rw’Umuryango wa Afurika y’u Burasirazuba(EACJ) rufite icyicaro Arusha muri Tanzania rwemeje ko ikirego cy’ihuriro rya Sosiyete sivile zo mu karere (EACSOF) kidahuye n’amategeko agenga EAC n’urukiko rw’uyu muryango.

Iki kirego cyateshejwe agaciro n’abacamanza batatu b’urukiko rwa EAC cyavugaga ko ibyo urukiko rurengera Itegeko Nshinga mu Burundi rwakoze rwemerera Perezida Nkurunziza kongera kwiyamamariza manda ya gatatu binyuranyije n’Itegeko Nshinga ry’iki gihugu ndetse n’amasezerano y’amahoro yashyiriweho umukono i Arusha muri Tanzania.

Itangazo ry’uru rukiko riragira riti “Uru rukiko rufata iya mbere mu kubungabunga amasezerano aba yarasinywe ariko mu bushishozi bwacu ntitujya twibaza byinshi ku myanzuro y’izindi nkiko mu buryo bw’amategeko nko kuba twasabwa kubijyamo kumugaragaro.”

Mu kirego cya EACSOF, bavugaga ko kongera gutanga kandidatire kwa Perezida Nkurunziza binyuranyije n’amasezerano y’amahoro u Burundi bwashyizweho umukono mu 2000 i Arusha muri Tanzania, Itegeko Nshinga ry’iki gihugu ryo muri 2005 ndetse bikaba bitanahuye n’intego, n’ amabwiriza bigenga amasezerano y’umuryango wa EAC.

Muri iki kirego, EACSOF yari yasabye urukiko ko rwasaba Umunyamabanga Mukuru w’Umuryango wa Afurika y’u Burasirazuba gusaba inama y’abakuru b’ibihugu b’uyu muryango kuba bafata icyemezo cyo guhagarika u Burundi cyangwa bukirukanwa burundu muri uyu muryango.

EACSOF yanashakaga ko urukiko rwemeza ko Komisiyo ishinzwe amatora mu Burundi (CENI) yafashe icyemezo kidakwiye ubwo yemereraga Perezida Nkurunziza kwiyamamaza ndetse no kuba ishyaka rye rya CNDD-FDD ryaramutanzeho umukandida mu matora y’Umukuru w’Igihugu.

Amasezerano agenga umuryango wa EAC ateganya ko inama y’abakuru b’uyu muryango ishobora guhagarika igihugu kinyamuryango mu gihe cyananiwe kubahiriza amahame ndetse n’amabwiriza uyu muryango ugenderaho. Aya masezerano kandi avuga ko igihugu kinyamuryango cya EAC gishobora kwirukanwa burundu muri uyu muryango mu gihe cyishe amabwiriza nyuma y’umwaka cyandikiwe cyihanangirizwa.

Sosiyete Sivile yasabaga ko u Burundi bwirukanwa bitewe n'uko Nkurunziza yiyamamaje

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved