Kwamamaza

Urujijo mu matora muri Gabon,u Bufaransa na Côte d’Ivoire birashinjwa kwivanga

Yanditswe kuya 31-08-2016 saa 09:18' na Rabbi Malo Umucunguzi


Nyuma y’amatora yabaye muri Gabon kuwa 27 Kanama, abaturage bakomeje gutegereza ibyayavuyemo, ari nako Perezida urangije manda Ali Bongo n’umukandida bahanganye Jean Ping, buri umwe yivuga imyato mu itangazamakuru ko ariwe watsinze.

Abaturage bagera ku 628,000, ni bo babashije gutora Umukuru w’Igihugu uzabayobora mu myaka irindwi iri imbere, ariko kubarura aya majwi bimaze gutwara iminsi ine.

Kuri uyu wa Kabiri tariki 30 Kanama havutse ikindi kibazo cyatumye umwe mu bajyanama ba Perezida Alassane Ouattara wa Côte d’Ivoire ahita yirukanwa.

Minisitiri ushinzwe itumanaho muri Gabon, Alain-Claude Bilie-By-Nze, yatunze agatoki ibihugu by’amahanga, avuga ko Jean Ping ari gukorana imigambi yo guteza umutekano muke afatanyije n’abaturuka mu Bufaransa na Côte d’Ivoire.

Uyu mu minisitiri yemeje ko bafite ibimenyetso simusiga bigaragaza imikoranire ya Jean Ping n’Umujyanama wa Perezida Alassane Ouattara wa Côte d’Ivoire, witwa Mamadi Diané.

Ni umugambi ngo wari ugamije guha ruswa batatu mu bagize Komisiyo yigenga y’Amatora kandi Ihoraho (Cenap) ya Gabon, kugira ngo begure.

Ati ‘‘Jean Ping arasa n’ushaka kuzana ibibazo mu bikorwa turimo bya demokarasi. Mu koroshya ibibazo, nyuma yo gutangaza ibyavuye mu matora, ibi byose tuzabyoherereza ubucamanza mu gihugu n’inzego mpuzamahanga.’’

Ku ruhande rw’abatavuga rumwe n’ubutegetsi, Umuvugizi wa Jean Ping, Gaspard Ntoutoume we yanenze cyane ibirego byatangiye kuzanwa n’ubutegetsi ku ruhande rwa Bongo.

Ati ‘‘Iyo babuze ibyo bavuga barabihimba buri munsi. Inkuru z’impimbano zigamije gusiga icyashya abo bahanganye muri politiki, ni ibintu bidakanganye. Ikibabaje gusa ni uko Umuvugizi wa Perezida wa Repubulika ucyuye igihe, w’umukandida, akoranya ibitangazamakuru ngo asuke amarira kuko ari gutsindwa amatora.’’

Côte d’Ivoire yo yamaganye ibikorwa byo kwivanga mu matora yo muri Gabon, ndetse itangazo ryasohowe n’ibiro by’Umukuru w’Igihugu bivuga ko iki gihugu kizirikana ‘‘ubwigenge busesuye bwa Repubulika ya Gabon.’’

Umujyanama wa Perezida Alassane Ouattara, nyuma yo kwirukanwa RFI yamwegereye ariko yanga kugira icyo ayitangariza ku byo ashinjwa.

Abatavuga rumwe n’ubutegetsi ku ruhande rwa Jean Ping, bo barigamba ko nyuma y’amajwi amaze kubarurwa, uyu mukandida yanikiye bidasubirwahop Ali Bongo bahanganye. Gusa Minisitiri Alain-Claude Bilie-By-Nze we yirinze kugira icyo atangaza ku byavuye mu matora.

Umwuka ukomeje guhinduka kubera amatora muri Gabon

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved