Umutekano wa Perezida wa Botswana uri mu kangaratete

Yanditswe na Ferdinand Maniraguha
Kuya 6 Nyakanga 2019 saa 03:28
Yasuwe :
0 0

Inzego zishinzwe ubutasi muri Botswana zasabye abashinzwe umutekano gufata ingamba zikomeye mu kongera umutekano wa Perezida Mkgweetsi Masisi kuko uri mu kangaratete.

Umuyobozi w’Urwego rushinzwe ubutasi, Peter Magosi kuri uyu wa Gatanu yatangaje ko bafite amakuru yizewe y’uko umutekano wa Perezida utifashe neza.

Magosi yatangaje ko mu minsi ishize byabaye ngombwa ko Masisi agaruka igitaraganya mu gihugu ubwo yari yitabiriye inama ya 12 ihuza Leta Zunze Ubumwe za Amerika na Afurika, inama yaberaga muri Mozambique.

Ngo indege yari imutwaye yagarutse itagezeyo kuko hari amakuru bahawe y’uko yari igiye kugabwaho igitero.

Ntabwo Magosi yatangaje byinshi kuri icyo gitero, icyakora yavuze ko abari bagiteguye atari abakozi ba Leta nkuko Ibiro Ntaramakuru by’Abashinwa, Xhinua byabitangaje.

Perezida Masisi yagiye ku butegetsi muri Mata 2018 asimbuye Ian Khama. Niwe ugomba guhagararira ishyaka Democratic Party riri ku butegetsi mu matora rusange azaba mu mpera z’uyu mwaka.

Inzego zishinzwe ubutasi muri Botswana zasabye abashinzwe umutekano gufata ingamba zikomeye mu kongera umutekano wa Perezida Mkgweetsi Masisi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza