Umusirikare mukuru wa Congo yicanwe n’abandi batandatu yari ayoboye

Yanditswe na Kanamugire Emmanuel
Kuya 12 Nzeri 2016 saa 07:59
Yasuwe : XX
0

Abasirikare barindwi ba Repubulika Iharanira Demokarasi ya Congo, barimo ufite ipeti rya Captain n’abandi batandatu yari ayoboye, bishwe tariki 10 Nzeri mu gico batezwe n’umutwe witwaje intwaro mu gace ka Bangalu, mu karere ka Haut-Uélé.

Radio Okapi yatangaje ko aba basirikare bishwe bava ku isoko rya Bangalu bagana mu gace ka Doruma.

Abo basirikare ba Congo bari kuri moto ubwo bagwaga mu gico cy’abarwanyi bataramenyekana, ndetse banabambura ibyo bari bafite mbere y’uko basubira mu ishyamba.

Imiryango itegamiye kuri Leta mu gace ka Dungu yatangaje ko iki gitero cyaba cyagabwe n’inyeshyamba zirwanya ubutegetsi bwa Uganda, Lord Resistance Army, LRA, zikorera muri Repubulika Iharanira Demokarasi ya Congo.

Umuyobozi w’Ingabo za leta, FARDC zikorera muri Dungu, Général Willy Bonane, yavuze ko icyo gikorwa cyabayeho, gusa akavuga ko byaba byagizwemo uruhare n’inyeshyamba zituruka muri Sudani y’Epfo, ndetse ingabo za Leta ya Congo zikaba zatangiye guhinga izo nyeshyamba.

Abasirikare ba Repubulika Iharanira Demokarasi ya Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE