00:00:00 IGIHE NETWORK KN KINYARWANDA EN ENGLISH FR FRANCAIS

Umukobwa w’umwami wa Buganda yatawe muri yombi

Yanditswe na Bukuru JC
Kuya 28 Kanama 2021 saa 03:49
Yasuwe :
0 0

Urwego rwa Perezidansi rushinzwe ibyo kurwanya ruswa ku bufatanye na Polisi rwataye muri yombi, Nalinya Bwanga, umukobwa w’Umwami wa Buganda, Ronald Muwenda Mutebi II.

Iki gikomangomakazi cyafunzwe ku mpamvu zo kwiyita umukozi w’urwego rushinzwe kurwanya ruswa muri Perezidansi.

Ubuyobozi bw’uru rwego bwatangaje ko Bwanga yabanje gufungirwa kuri sitasiyo ya Polisi ya Kikyusa mu Karere ka Luwero mbere y’uko ajyanwa ku biro bikuru bya Polisi i Kampala kugira ngo ahatwe ibibazo mu gitondo cyo kuri uyu wa Gatandatu.

Ifatwa rye ryakurikiye ibirego yashinjwaga byo kwigarurira ubutaka butari ubwe ku ngufu, gutoteza no gufungisha abaturage ba nyir’ubwo butaka bageragezaga kubusubirana.

Ibinyamakuru bitandukanye muri Uganda byatangaje ko urutse uyu mukobwa hari n’abandi bayobozi mu Karere ka Hoima bafashwe bashinjwa gufata ibikoresho bigenewe gukoreshwa ku mihanda bakabikodesha uwikorera ku giti cye.

Nalinya Bwanga, umukobwa w’Umwami wa Buganda, Ronald Muwenda Mutebi II, yatawe muri yombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .