Kwamamaza

Umujyanama wa Perezida w’u Burundi, Willy Nyamitwe yarusimbutse

Yanditswe kuya 29-11-2016 saa 07:30' na Rabbi Malo Umucunguzi


Umujyanama wa Perezida Pierre Nkurunziza w’u Burundi mu bijyanye n’itangazamakuru n’itumanaho, Willy Nyamitwe, yasimbutse igitero cyari kigamije kumuhitana kuri uyu wa 28 Ugushyingo, ubwo yatahaga iwe mu rugo i Bujumbura.

Iki gitero cyahamijwe na Minisitiri w’Itangazamakuru mu Burundi, Nestor Bankumukunzi, ariko yabwiye RFI ko abifiteho amakuru make cyane, gusa bivugwa ko umwe mu barinzi be yishwe undi agakomereka.

Amakuru kandi avuga ko Nyamitwe yakomeretse ku kuboko byoroheje. Uyu mujyanama wa Perezida Nkurunziza kandi ni umuvandimwe wa Minisitiri w’Ububanyi n’Amahanga w’u Burundi, Alain Aimé Nyamitwe, wifashishije Twitter akavuga ko ashima Imana kuko umuvandimwe we arokotse igitero muri iri joro.

Ati ‘‘Iki gitero cya kenshi kuri Willy Nyamitwe ni ikindi gikorwa kiburijwemo kigamije guhungabanya inzego za repubulika. Intsinzi ihoraho!”

Willy Nyamitwe akunze kugaragara cyane ahangana n’abatavuga rmwe n’ubutegetsi bw’u Burundi hifashishijwe imbuga nkoranyambaga, muri iki gihe akaba aterana amagambo n’abakomeje kuvuga ko mu Burundi hashobora kuba Jenoside.

Ashinjwa n’imiryango itandukanye kuba umwe mu bacengezamatwara b’ubutegetsi bw’u Burundi, mu gihe guverinoma y’icyo gihugu ishinjwa kubuza umudendezo abaturage. U Burundi buri mu bibazo by’umutekano muke cyane kuva mu 2015 ubwo Perezida Nkurunziza yatangazaga ko agiye kwiyamamariza manda bamwe bise iya gatatu itemewe, nubwo yaje gutorwa.

Kuva icyo gihe abaturage basaga 700 bamaze kwicwa, naho abasaga 800 baburiwe irengero nk’uko imiryango iharanira uburenganzira bwa muntu ibivuga, mu gihe abasaga ibihumbi 300 bo bavuye mu byabo.

Ibyo bikorwa kandi byagiye bijyana n’iyicwa ry’abantu bakomeye barimo nka General Adolphe Nshimirimana na Hafsa Mossi wigeze kuba Minisitiri, akaza kwicwa muri Nyakanga 2016 ari umudepite mu Nteko Ishinga Amategeko y’Umuryango wa Afurika y’Iburasirazuba.

Umujyanama wa Perezida w’u Burundi, Willy Nyamitwe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved