00:00:00 IGIHE NETWORK KN KINYARWANDA EN ENGLISH FR FRANCAIS

Umuhungu wa Gaddafi agiye kwiyamamariza kuyobora Libya

Yanditswe na IGIHE
Kuya 14 Ugushyingo 2021 saa 02:05
Yasuwe :
0 0

Komisiyo y’amatora muri Libya yatangaje ko Saif al-Islam Gaddafi, umuhungu wa w’uwahoze ari Perezida w’iki gihugu, Muammar Gaddafi ari umwe mu bazahatana mu matora y’Umukuru w’igihugu ateganyijwe muri Ukuboza 2021.

Amakuru dukesha Al Jazeera avuga ko Saif al-Islam Gaddafi yamaze gutanga kandidatire kugira ngo azahatane mu matora yo ku wa 24 Ukuboza 2021.

Biteganyijwe ko muri aya matora Saif al-Islam Gaddafi azaba ahanganye na Khalifa Haftar, Minisitiri w’Intebe Abdul Hamid Dbeibah na Perezida w’Inteko Ishinga Amategeko, Aguila Saleh.

Saif al-Islam atanze kandidatire nyuma y’aho muri Nyakanga 2021 yari yaratangarije The New York Times ko ateganya kugaruka muri politike.

Saif al-Islam Gaddafi ni umwe mu bahabwaga amahirwe yo gusimbura se ku butegetsi, mbere y’imvururu zo mu 2011.

Ubwo imyigaragambyo n’imvururu zahitanye se byadukaga, yagize uruhare mu guhiga abigaragambyaga birangira ashyiriweho impapuro zimuta muri yombi.

Yafashwe n’inyeshyamba mu mpera za 2011 afatirwa mu mujyi wa Zintan muri Libya. Inyeshyamba zamumaranye imyaka itandatu ziramurekura.

Saif uvuga neza Icyongereza wanize mu ishuri rya London School of Economics, ni umwe muri bake babashije kurokoka mu muryango we kuko abandi barishwe abasigaye bahunga igihugu.

Saif al-Islam Gaddafi agiye kwiyamamariza kuyobora Libya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .