Umugore wa Robert Mugabe ari mu bashobora kumusimbura ku butegetsi

Yanditswe na IGIHE
Kuya 10 Nzeri 2017 saa 07:27
Yasuwe :
0 1

Perezida wa Zimbabwe Robert Mugabe yavuze ko umugore we Grace Mugabe ari umwe mu bashobora kuzamusimbura ku butegetsi.

Mugabe watangaje ko ashobora kuziyamamaza mu matora ateganyijwe umwaka utaha wa 2018, mu bandi yavuze ko bashobora kuzamusimbura harimo Visi Perezida Emmerson Mnangagwa ndetse na Phelekezela Mphoko wigeze kuba Visi Perezida.

Icyakora kuri uyu wa Gatandatu ubwo yari yitabiriye ihuriro ry’urubyiruko mu gace ka Bindura gehereye mu majyaruguru y’umurwa mukuru Harare, Mugabe yavuze ko atazasigira ubutegetsi umugore mu buryo bumwe n’ubwo mu bihugu bikoresha Igifaransa.

Yagize ati “Njye nkurikiza amategeko, ntabwo nzasiga umugore wanjye ku butegetsi nkuko bikorwa mu bihugu bivuga Igifaransa.Nzasigira ubutegetsi Madamu Mugabe cyangwa Emmerson, cyangwa Mphoko.”

Icyakora Mugabe yavuze ko nubwo hari abo yumva bamusimbura, ngo bagomba guhatana n’abandi nkuko Itegeko Nshinga ribitegeka.

Jeanafrique dukesha iyi nkuru yatangaje ko mu ishyaka Zanu PF rya Mugabe hajemo ibice biturutse ku kutumvika ku muntu uzamusimbura. Mu bahabwa amahirwe cyane harimo Visi Perezida Mnangagwa na Grace Mugabe.

Mugabe w’imyaka 93 yayoboye Zimbabwe kuva mu mwaka wa 1980. Nubwo ashaje, umugore we aherutse gutangaza ko igihe cyose azaba akiriho azayobora Zimbabwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza